The Cambrian (UDA)
Cylchgrawn Saesneg ar gyfer y gymuned Gymreig yn yr Unol Daleithiau oedd The Cambrian, a gyhoeddwyd yn fisol o 1880 hyd 1919. Roedd yn un o gylchgronnau mwyaf poblogaidd y Cymry yn UDA.
| Enghraifft o'r canlynol | papur newydd  |
|---|
Cychwynnwyd y cylchgrawn gan y Parch. D. J. Jones yn Cincinnati, Ohio. Yn y flwyddyn 1886, prynwyd y cyhoeddiad gan y Parch. Edward C. Evans o Remsen, Swydd Oneida, a dechreuwyd ei argraffu gan T. J. Griffith yn yr Exchange Buildings, Utica, Efrog Newydd.[1]
Ar ddiwedd 2009, cwblhawyd prosiect gan Llyfrgell Genedlaethol Cymru i ddigido pob rhifyn o'r cylchgrawn a'i rhoi ar-lein. Ceir bron i 19,000 o dudalennau sy'n cofnodi hanes y Cymry yn America hyd ddiwedd y Rhyfel Byd Cyntaf.[2]
Cyfeiriadau golygu
Dolenni allanol golygu
- The Cambrian wedi ei ddigido ar-lein ar wefan Llyfrgell Genedlaethol Cymru (dwyieithog)
