Tolyatti

Dinas yn Oblast Samara, Rwsia, yw Tolyatti (Rwseg: Тольятти ), a adnabyddir mewn rhai ieithoedd fel Togliatti hefyd. Saif ar lan Afon Volga. Poblogaeth: 719,632 (Cyfrifiad 2010).

Tolyatti

Math	tref/dinas
Enwyd ar ôl	Palmiro Togliatti
Ru-Togliatti.ogg
Poblogaeth	707,408, 693,072
Sefydlwyd	20 Mehefin 1737 (yn y Calendr Iwliaidd)
Pennaeth llywodraeth	Sergey Antashev
Cylchfa amser	UTC+04:00, Amser Moscfa, Amser Samara, Amser Moscfa
Gefeilldref/i	Kazanlak, Wolfsburg, Luoyang, Flint, Piacenza, Colmar, Nagykanizsa, Mingachevir
Iaith/Ieithoedd   swyddogol	Rwseg
Daearyddiaeth
Sir	Okrug Dinesig Tolyatti
Gwlad	Rwsia
Arwynebedd	314.78 km²
Uwch y môr	90 metr
Gerllaw	Afon Volga, Cronfa Kuybyshev
Yn ffinio gyda	Ardal Stavropolsky, Zhigulyovsk, Sir Stavropolskiy
Cyfesurynnau	53.52°N 49.42°E
Cod post	445000–445999
Gwleidyddiaeth
Corff deddfwriaethol	Cyngor Dinas Tolyatti
Pennaeth y Llywodraeth	Sergey Antashev
Sefydlwydwyd gan	Vasily Tatishchev
Ffeiliau perthnasol ar Comin

Ardal Komsomolsky, Tolyatti.

Porthladd Tolyatti.

Hanes

Cafodd ei sefydlu fel caer yn 1737 wrth yr enw Stavropol a ddaeth i'w galw yn Stavropol-ar-Volga (Ста́врополь-на-Во́лге, Stavropol-na-Volge) er mwyn gwahaniaethu rhyngddi a dinas Stavropol.

Cafodd cronfa fawr Kuybyshev ei hadeiladu yn y 1950au gan foddi'r hen safle a chodwyd dinas newydd gerllaw. Yn 1964, ailenwyd y ddinas yn Tolyatti er anrhydedd i Palmiro Togliatti, ysgrifennydd hir dymor Plaid Gomiwnyddol yr Eidal.

Economi

Sefydlwyd ffatri ceir Lada yn Tolyatti sy'n cyflogi 110,000 mewn cydweithrediad gyda Fiat (ers 1970) a General Motors (ers 2001).

Ers hynny mae diwydiannau eraill wedi'i sefydlu, yn cynnwys gweithfeydd petrogemegol a chynhyrchu gwrtaith artiffisial. Mae gan y ddinas borthladd prysur ar Afon Volga.

Addysg

Ceir tair prifysgol yn y ddinas, yn cynnwys Prifysgol Wladol Tolyatti (Тольяттинский государственный университет ТГУ).

Dolenni allanol

• (Rwseg) Gwefan swyddogol y ddinas Archifwyd 2019-06-03 yn y Peiriant Wayback.
• (Rwseg) Prifysgol Wladol Tolyatti