Tommo - Stori'r Sŵn Mawr
Cyfrol o straeon gan Andrew Thomas a Terwyn Davies yw Tommo: Stori'r Sŵn Mawr a gyhoeddwyd yn 2014 gan Wasg Gomer. Man cyhoeddi: Llandysul, Cymru.[1]
| Enghraifft o'r canlynol | gwaith llenyddol  |
|---|---|
| Awdur | Andrew Thomas a Terwyn Davies |
| Cyhoeddwr | Gwasg Gomer |
| Gwlad | Cymru |
| Iaith | Cymraeg |
| Dyddiad cyhoeddi | 04 Tachwedd 2014 |
| Argaeledd | Ar gael |
| ISBN | 9781848518971 |
Cyfrol yn llawn o ddarluniau a straeon difyr yn adrodd hanes y DJ bywiog a swnllyd Andrew "Tommo" Thomas (neu i roi ei enw llawn: Andrew Paul Thomas) o Aberteifi, un o gyflwynwyr y prynhawn ar Radio Cymru. Un o Grymych yw ei dad.
Gadawodd yr ysgol cyn gynted ag y medrai, cario'r post, cynnal discos yn Aberteifi ac yn Sbaen, torri beddau, gweithio mewn siop cigydd, ac yna dechrau darlledu ar Radio Ceredigion. Nodir fod nifer o ddarlledwyr adnabyddus wedi dechrau eu gyrfaoedd yn gweithio'n ddi-dâl ar yr orsaf honno.
Mae'r darlun o sut mae'r gorsafoedd masnachol, lleol hyn yn cael eu rhedeg yn agoriad llygad, ac mae'n amlwg eu bod yn llefydd delfrydol i ddysgu'r grefft os yw'r egni a'r awydd gennych chi. Ac mae gan Tommo lond sied wair o egni a brwdfrydedd. Ar yr adeg yr unwyd gorsafoedd radio y de-orllewin – Radio Ceredigion, Radio Sir Benfro, Radio Sir Gâr, Scarlet FM a Nation Hits yn ardal Abertawe – roedd e'n gwneud pum rhaglen yr un pryd ar bum gorsaf wahanol! Ac yn gwneud y cyhoeddiadau ar Barc y Scarlets ar brynhawniau Sadwrn.
Gweler hefyd
golyguCyfeiriadau
golygu- ↑ Gwefan Gwales; adalwyd 1 Awst 2017