William Lucas Collins

clerigwr ac awdur

Roedd William Lucas Collins (23 Mai, 181524 Mawrth, 1887), yn offeiriad Eglwys Loegr ac awdur Cymreig.[1]

William Lucas Collins
Ganwyd23 Mai 1815 Edit this on Wikidata
Bu farw24 Mawrth 1887 Edit this on Wikidata
DinasyddiaethBaner Cymru Cymru
Alma mater
Galwedigaethclerig, ysgrifennwr Edit this on Wikidata
PlantWilliam Collins Edit this on Wikidata

CefndirGolygu

Ganwyd Collins yn Oxwich, Bro Gŵyr yn blentyn i John Collins, rheithor Llanilltud Gŵyr, ac Elizabeth (née Lucas) ei wraig. Cafodd ei addysgu yn ysgol Rugby a Choleg yr Iesu, Rhydychen lle graddiodd gyda gradd BA yn y clasuron ym 1838 a gydag MA ym 1840.[2]

GyrfaGolygu

Cafodd ei ordeinio'n offeiriad ym 1840 a rhoddwyd iddo fywoliaeth Cheriton, Abertawe yn yr un flwyddyn gan ddal y fywoliaeth hyd 1867. Gwasanaethodd Collins fel curad Great Houghton, Swydd Northampton (1853-1862), lle bu yn gwasanaethu fel yr arolygydd addysg esgobaethol. Ym 1867 rhoddwyd bywoliaeth Kilsby, Swydd Northampton iddo. Cyfnewidiodd bywoliaeth Kilsby am reithoriaeth Lowick, ger Thrapston, Swydd Northampton ym 1873, a ddaliodd ar y cyd â bod yn ficer Slipton o 1876 ymlaen. O 1870 roedd hefyd yn ganon anrhydeddus yn Eglwys Gadeiriol Peterborough.[2]

TeuluGolygu

Priododd Anna Frances, merch John Wood, Berthlwyd, Llandeilo, ym 1840. Roedd yr awdur Clifton Wilbraham Collins [3] a'r awdur a chricedwr William Collins [4] yn feibion iddynt.

Gyrfa lenyddolGolygu

Yn ogystal â bod yn glerigwr gwledig cafodd Collins yrfa lenyddol, a ddechreuodd yn fuan ar ôl ei ordeinio pan ddaeth yn gyfrannwr rheolaidd i'r Blackwood's Magazine. Roedd ei erthyglau cynnar yn son am fywyd yn y brifysgol, ond daeth i wneud arbenigedd o erthyglau ar yr ysgolion bonedd hynafol. Anogodd John Blackwood, perchennog y cylchgrawn, ef i ddechrau adolygu; ei adolygiadau craff o nofelau George Eliot oedd ei waith mwyaf arwyddocaol.[2]

Bu Collins hefyd yn olygydd cyfres lyfrau lwyddiannus Gwasg Blackwood's, Ancient Classics for English Readers, gan gynnwys bod yn awdur naw cyfrol o'r gyfres. Ym mysg ei gyfraniadau personol i'r gyfres oedd y cyfrolau ar Iliad, Homer (1870) [5] a Thucydides (1878).[6]

MarwolaethGolygu

Bu farw yn rheithordy Lowick yn 71 mlwydd oed.

CyhoeddiadauGolygu

 
Wynebddalen Virgil gan W Lucas Collins

CyfeiriadauGolygu

  1. "COLLINS, WILLIAM LUCAS (1815 - 1887), clerigwr ac awdur | Y Bywgraffiadur Cymreig". bywgraffiadur.cymru. Cyrchwyd 2019-11-18.
  2. 2.0 2.1 2.2 "Collins, William Lucas (1815–1887), Church of England clergyman and author | Oxford Dictionary of National Biography". www.oxforddnb.com. Cyrchwyd 2019-11-18.
  3. Venn, John (2011-09-15). Alumni Cantabrigienses: A Biographical List of All Known Students, Graduates and Holders of Office at the University of Cambridge, from the Earliest Times to 1900. Cambridge University Press. ISBN 9781108036122.
  4. "At the Circulating Library Author Information: William Edmund Wood Collins". www.victorianresearch.org. Cyrchwyd 2019-11-18.
  5. Collins, William Lucas. The Iliad.
  6. Collins, William Lucas (1878). Thucydides. William Blackwood.