Ysgol Dafydd Llwyd
Ysgol gynradd cyfrwng Gymraeg yn y Drenewydd yw Ysgol Dafydd Llwyd, ar gyfer plant rhwng 3 ac 11 oed. Hon oedd yr ysgol ddynodedig Gymraeg gyntaf yng ngogledd Powys. Agorwyd ar 28 Medi 2001, gyda Penri Roberts yn brifathro,[2] sef enillydd y Goron yn Eisteddfod Genedlaethol Cymru Dinbych 2001.[3] Yn Ionawr 2016 agorwyd ysgol newydd sbon, ar gost o £8.5m ac roedd 250 o ddisgyblion ar y gofrestr.[4]
| Ysgol Dafydd Llwyd | |
|---|---|
| Sefydlwyd | 2001 |
| Math | Cynradd, y Wladwriaeth |
| Cyfrwng iaith | Cymraeg |
| Pennaeth | Siân Davies |
| Lleoliad | Lôn y Blanhigfa / Lôn Dolfor, Y Drenewydd, Powys[1], Cymru, SY16 1JF |
| AALl | Cyngor Sir Powys |
| Rhyw | Cyd-addysgol |
| Oedrannau | 3–11 |
| Gwefan | http://www.dafyddllwyd.powys.sch.uk/ |
Enwyd yr ysgol ar ôl y bardd Dafydd Llwyd ab Einion a fu'n byw yn yr ardal tua 1446.[5][6]
Yn 2010, adroddodd Estyn fod yr ysgol yn gweithedu mewn pump o adeiladau ar wahân, ar yr un campws a dwy ysgol arall, gan gynnwys dau gaban dros dro.[7] Datganwyd ar 14 Chwefror 2012 y byddai adeilad newydd yn cael ei godi ar ei chyfer gyferbyn â'r ysgol uwchradd.[8] Erbyn 2010, roedd 149 o ddisgyblion yn yr ysgol, gan gynnwys disgyblion oed meithrin amser llawn, a daeth 38% ohonynt o gartrefi ble roedd y Gymraeg yn brif iaith y cartref.[7] Bydd lle i 270 o ddisgyblion yn adeilad newydd yr ysgol.[8]
Cyfeiriadau golygu
- ↑ Gwefan swyddogol yr ysgol; adalwyd Mawrth 2016
- ↑ Ymddeoliad Penri'r pennaeth. BBC Lleol > Seren Hafren (Awst 2004).
- ↑ Rhestr Awduron Cymru: Roberts, Penri. Llenyddiaeth Cymru. Adalwyd ar 15 Chwefror 2012.
- ↑ countytimes.co.uk;[dolen marw] adalwyd Chwefror 2016
- ↑ Newyddion : Pwy oedd Dafydd Llwyd ? Who was Dafydd Llwyd?. Ysgol Dafydd Llwyd (8 Tachwedd 2009).
- ↑ Agor ysgol Gymraeg newydd ym Mhowys. BBC Newyddion (28 Medi 2001).
- ↑ 7.0 7.1 Adroddiad Arolygiad Ysgol Dafydd Llwyd, 2010. Estyn (Rhagfyr 2010). Adalwyd ar 15 Chwefror 2012.
- ↑ 8.0 8.1 Cymeradwyo ysgol Gymraeg. BBC Newyddion (14 Chwefror 2012).