Ysgol Penybryn, Tywyn
Ysgol gynradd Gymraeg yn Nhywyn, Gwynedd, yw Ysgol Penybryn.
| Ysgol Penybryn | |
|---|---|
| Sefydlwyd | 1860 (Towyn British School) |
| Math | Cynradd, y Wladwriaeth |
| Cyfrwng iaith | Cymraeg |
| Pennaeth | Menna Wynne Pugh |
| Lleoliad | Ffordd Cadfan, Tywyn, Gwynedd, Cymru, LL36 9EF |
| AALl | Cyngor Gwynedd |
| Disgyblion | 211 (ym Medi 2012, gan gynnwys 12 o ddisgyblion yn y dosbarth meithrin) |
| Rhyw | Cyd-addysgol |
| Oedrannau | 3–11 |
| Gwefan | http://www.pbtywyn.gwynedd.sch.uk/ |
Cyffredinol
golyguFel yr awgryma'r enw, saif Ysgol Penybryn ar fryncyn nid nepell o ganol hanesyddol tref Tywyn.
Mae dalgylch yr ysgol yn cynnwys tref Tywyn ac (er Medi 2013) pentref Aberdyfi. Mae'r ysgol yn bwydo Ysgol Uwchradd Tywyn.
Yn 2010, deuai tuag 11% o'r disgyblion o aelwydydd oedd â'r Gymraeg yn brif iaith.[1]
Hanes
golyguAgorwyd yr ysgol yn 1860 dan yr enw 'Towyn British School'. Yr adeilad gwreiddiol yw bloc gogleddol yr ysgol bresennol; adeiladwyd y prif floc arall yn 1900. Yn wreiddiol, tŷ'r prifathro oedd y tŷ sy'n dal i sefyll yn union i'r gogledd i'r ysgol.[2]
Yn ystod y 1860au, defnyddid y 'Welsh stick' (ffurf ar y Welsh Not) er mwyn cosbi plant a gafwyd yn siarad Cymraeg. Ond ymddengys na fu'r ymdrech hon i rwystro plant rhag siarad yr iaith yn llwyddiannus iawn.[3]
Cyfeiriadau
golygu- ↑ [dolen farw] Adroddiad ar Ysgol Penybryn, Tywyn, 4 Mai 2010, Estyn.
- ↑ Robert Evans, Penbryn School, Tywyn, Gwynedd: Archaeological Assessment Archifwyd 2016-03-04 yn y Peiriant Wayback (Gwynedd Archaeological Trust Report No.1048, May 2012), p. 6.
- ↑ Archifdy Meirionnydd, Gwasanaeth Archifau Gwynedd, Llyfr Log Ysgol Brydeinig Towyn, Sir Feirionnydd, 1863-76 Archifwyd 2015-09-24 yn y Peiriant Wayback, Casglu'r Tlysau[dolen farw].
Dolenni allanol
golygu- Gwefan Ysgol Penybryn Archifwyd 2013-05-15 yn y Peiriant Wayback