Wicipedia

Zoë Heller

Nofelydd Seisnig yw Zoë Heller (ganwyd 7 Gorffennaf 1965) sy'n gweithio o ddydd i ddydd fel newyddiadurwr. Hyd at 2019 roedd wedi cyhoeddi tair nofel: Everything You Know (1999), Notes on a Scandal (2003), a The Believers (2008). Rhoddwyd Notes on a Scandal ar restr fer Gwobr Man Booker a'i haddasu'n ffilm yn 2006.

Zoë Heller
Ganwyd7 Gorffennaf 1965 Edit this on Wikidata
St Pancras Edit this on Wikidata
Man preswylDinas Efrog Newydd Edit this on Wikidata
DinasyddiaethBaner Lloegr Lloegr
Alma mater
Galwedigaethnewyddiadurwr, nofelydd, ysgrifennwr Edit this on Wikidata
TadLukas Heller Edit this on Wikidata

Yn 2007, priododd y sgriptiwr Lawrence Konner mewn seremoni Iddewig "minimal" ond yn 2010, gwahanodd y ddau. Yn 2019 roedd Heller yn byw yn Ninas Efrog Newydd gyda'i dwy ferch, Lula a Frankie.

Teulu golygu

Ganed Zoë Kate Hinde Heller yn St Pancras, Llundain. Hi oedd yr ieuengaf o bedwar o blant Caroline (née Carter) a Lukas Heller, ysgrifennydd sgrîn llwyddiannus. Roedd ei thad yn fewnfudwr Iddewig o'r Almaen a'i mam yn Saesnes ac yn Grynwr.[1][2][3] Ei thaid, ar ochr ei thad, oedd yr athronydd gwleidyddol Hermann Heller.[4][5][6][7]

Ei brawd yw'r sgwennwr-sgrin Bruno Heller. Wedi gadael Haverstock School yng ngogledd Llundain aeth Heller i Goleg y Santes Ann, Rhydychen lle bu'n astudio Saesneg, ac yna i Brifysgol Columbia, Efrog Newydd lle derbyniodd M.A. yn 1988.

Gyrfa golygu

Dechreuodd Heller ei gyrfa mewn newyddiaduraeth, fel awdur nodwedd ar gyfer yr Independent on Sunday yn y DU. Dychwelodd i Efrog Newydd yn ddiweddarach i ysgrifennu yn y cylchgrawn Vanity Fair ac yna The New Yorker. Ysgrifennodd golofn wythnosol ar gyfer cylchgrawn y Sunday Times yn y DU, ac roedd yn golofnydd rheolaidd i'r Daily Telegraph.[8] Enillodd am y gwaith hwn wobr "Colofnydd y Flwyddyn" gan Wobrau'r Wasg Brydeinig yn 2002. Cyd-ysgrifennodd y sgript ffilm ar gyfer ffilm annibynnol 1991, 'Twenty-One'.[9]

Anrhydeddau golygu


Cyfeiriadau golygu

  1. ↑ Philippe Naughton (28 Mawrth 2012). "UK News, World News and Opinion". Timesplus.co.uk. Cyrchwyd 4 Ebrill 2012.
  2. ↑ "Two giants of literature — and one big question". The Jewish Chronicle. 24 Mehefin 2009. Archifwyd o'r gwreiddiol ar 2014-04-24. Cyrchwyd 4 Ebrill 2012.
  3. ↑ Cohen, Patricia (26 Chwefror 2009). "Not Much Sympathy for Zoë Heller's Characters, but a Little Understanding". The New York Times.
  4. ↑ Cyffredinol: http://data.bnf.fr/ark:/12148/cb14521750q. ffeil awdurdod y BnF. dyddiad cyrchiad: 10 Hydref 2015.
  5. ↑ Rhyw: http://data.bnf.fr/ark:/12148/cb14521750q. ffeil awdurdod y BnF. dyddiad cyrchiad: 10 Hydref 2015.
  6. ↑ Dyddiad geni: Internet Movie Database. dyddiad cyrchiad: 16 Hydref 2015. "Zoe Heller". "Zoë Heller".
  7. ↑ "WEDDINGS; Miranda Cowley And Bruno Heller". New York Times. Mehefin 20, 1993.
  8. ↑ "Zoe Heller". British Council. Cyrchwyd 20 Mawrth 2016.
  9. ↑ Birnbaum, Robert (29 Gorffennaf 2004). "Zoe Heller". The Morning News. Cyrchwyd 20 Mawrth 2016. Italic or bold markup not allowed in: |work= (help)


Wedi dod o "https://cy.wikipedia.org/w/index.php?title=Zoë_Heller&oldid=12032788"