Abraham Mathews

gweinidog (A) ac un o arloeswyr y Wladfa ym Mhatagonia

Un o arloeswyr Y Wladfa ym Mhatagonia oedd y Parchedig Abraham Mathews (18321 Ebrill 1899).

Abraham Mathews
Abraham Matthews (ca.1870).jpg
Ganwyd 7 Tachwedd 1832 Edit this on Wikidata
Llanidloes Edit this on Wikidata
Bu farw 1 Ebrill 1899 Edit this on Wikidata (66 oed)
Trelew Edit this on Wikidata
Dinasyddiaeth Yr Ariannin Edit this on Wikidata
Galwedigaeth ffermwr Edit this on Wikidata

Ganed ef yn Llanidloes, ac astudiodd yng Ngholeg Annibynnol y Bala, lle roedd Michael D. Jones yn brifathro. Daeth yn weinidog Horeb, Llwydcoed, Aberdâr, yn 1859. Yn 1865 roedd yn un o'r fintai a hwyliodd i Batagonia ar y Mimosa. Roedd y fintai hefyd yn cynnwys ei wraig Gwenllian (née Thomas) a'u merch un oed, Annie, ac eraill o ardal Aberdâr; ffurfiai'r rhain un o'r carfanau mwyaf ymhlith yr ymfudwyr, yn dystiolaeth i ddylanwad Mathews.

Bu Abraham Matthews yn gweithio fel gweinidog a ffermwr yn y wladfa am weddill ei oes, heblaw am ymweliadau a Chymru a'r Unol Daleithiau. Yn 1874, gallodd drefnu mintai o ymfudwyr o bob un o'r ddwy wlad. Ysgifennodd lyfr ar hanes y Wladfa, Hanes y Wladfa Gymreig (Aberdâr).