Afon Colorado (Ariannin)

Afon yn rhan ddeheuol yr Ariannin yw Afon Colorado (Sbaeneg: Río Colorado). Ystyrir fod yr afon yma yn ffurfio ffîn ogleddol Patagonia.

Afon Colorado
Tour24.jpg
Mathafon Edit this on Wikidata
Daearyddiaeth
GwladYr Ariannin Edit this on Wikidata
Cyfesurynnau36.8722°S 69.76°W, 39.69°S 62.094°W Edit this on Wikidata
TarddiadAfon Barrancas Edit this on Wikidata
AberCefnfor yr Iwerydd Edit this on Wikidata
LlednentyddAfon Desaguadero, Afon Grande, Afon Barrancas Edit this on Wikidata
Dalgylch350,000 cilometr sgwâr Edit this on Wikidata
Hyd1,200 cilometr Edit this on Wikidata
Arllwysiad140 metr ciwbic yr eiliad Edit this on Wikidata

Ceir tarddle'r afon yn yr Andes, lle gelwir hi y río Barrancas. Mae y Río Grande yn ymuno a hi i ffurfio'r Colorado, ac mae'n llifo tua'r de-ddwyrain i gyrraedd Cefnfor Iwerydd. Hyd 1914 roedd y Colorado yn tarddu o lyn mawr oedd wedi ei ffurfio gan rewlif, ac a elwid gan y Mapuche wrth yr enw Cari Lauquen, ond yn y flwyddyn honno torrodd y morraine oedd yn cadw'r dŵr i mewn o ganlyniad i ddaeargrynfeydd, a diflannodd y llyn.

Wedi gadael yr Andes mae'r afon yn ffurfio dyffryn cul. Ffurfia'r afon y ffîn rhwng taleithiau Mendoza a Neuquén ac yna rhwng taleithiau La Pampa a Río Negro. Mae wedyn yn llifo trwy ran ddeheuol Talaith Buenos Aires i gyrraedd y môr; ystyrir y darn bychan o'r dalaith honno sydd i'r de o'r afon yn rhan o Batagonia.