Afon Crafnant
Afon ym mwrdeistref sirol Conwy, gogledd Cymru, yw Afon Crafnant. Am fod y ffrwd fechan Afon Geirionydd, sy'n llifo o Llyn Geirionydd, yn ymuno â hi uwchlaw Trefriw fe'i gelwir yn Afon Geirionydd weithiau hefyd yn lleol ar ei chwrs isaf.
 Afon Crafnant yn Nhrefriw | |
| Math | afon  |
|---|---|
| Daearyddiaeth | |
| Sir | Conwy |
| Gwlad |  Cymru |
| Cyfesurynnau | 53.1325°N 3.87°W |
| Aber | Afon Conwy |
| Llednentydd | Afon Geirionydd |
 | |
Mae'r afon yn tarddu ym mhen uchaf Cwm Crafnant, yng ngesail y Creigiau Gleision, ar ochr ddwyreiniol y Carneddau yn Eryri. Mae hi'n llifo i mewn i Lyn Crafnant. O Lyn Crafnant llifa'r afon i gyfeiriad y gogledd-ddwyrain i ddisgyn yn syrth trwy geunant goediog i Drefriw yn Nyffryn Conwy lle ceir pont drosti sy'n dwyn lôn y B5106 rhwng Conwy a Betws-y-Coed. Hanner milltir i'r gogledd o Drefriw mae hi'n ymuno ag Afon Conwy.
Defnyddir llif yr afon i greu trydan i redeg melin wlân Trefriw.
Cymerodd y bardd Ieuan Glan Geirionydd o enw'r afon, sy'n llifo heibio i'w hen gartref yn Nhrefriw.