Afon Ffrydlas

Afon fynyddig yn y Carneddau, Eryri, yw Afon Ffrydlas. Mae'n un o lednentydd dde Afon Ogwen. Ei hyd yw tua 3 milltir.

Afon Ffrydlas
Looking down stream towards the ford on Afon Ffrydlas - geograph.org.uk - 432972.jpg
Mathafon Edit this on Wikidata
Daearyddiaeth
LleoliadBethesda, Eryri Edit this on Wikidata
SirGwynedd Edit this on Wikidata
GwladBaner Cymru Cymru
Cyfesurynnau53.187767°N 4.038905°W Edit this on Wikidata
TarddiadDrosgl Edit this on Wikidata
LlednentyddAfon Ogwen Edit this on Wikidata

CwrsGolygu

Mae tarddle Afon Ffrydlas yn gorwedd yn uchel ar lethrau gorllewinol mynydd Drosgl, tua 1700 troedfedd i fyny ar ochr ddwyreiniol Dyffryn Ogwen.[1] Ger ei tharddle ceir ffos ddŵr (leat) a adwaenir fel y "Ffos Rufeinig" ond a greuwyd yn y 19eg ganrif i gysylltu ag Afon Caseg er mwyn gwaith chwarel.

 
Afon Ffrydlas

Llifa'r afon i lawr Cwm Ffrydlas i gyfeiriad y de-orllewin. Yn y cwm brwynog hwnnw llifa nifer o ffrydiau bychain i'r afon. Mae'n disgyn yn syrth rhwng Moel Faban a Gyrn Wigau i'r ardal uwchben Bethesda ger Gerlan ac wedyn yn syth i lawr trwy'r caeau a'r dref i lifo i Afon Ogwen ger Pont y Pant yng nghanol Bethesda.[1]

HynafiaethauGolygu

Yng Nghwm Ffrydlas ac ar y bryniau o'i gwmpas ceir sawl safle archeolegol sy'n dyddio o Oes yr Efydd.

CyfeiriadauGolygu

  1. 1.0 1.1 Map OS Landranger 1:25,000 Taflen Eryri.
Mae gan Gomin Wikimedia
gyfryngau sy'n berthnasol i: