Altazor
Cerdd Sbaeneg hir gan y bardd Tsileaidd Vicente Huidobro yw Altazor; o, El viaje en paracaídas, a elwir gan amlaf yn Altazor, a gyhoeddwyd ar ffurf llyfr yn 1931. Ystyrir y gwaith hwn yn gampwaith Huidobro ac yn un o'r esiamplau gwychaf ym marddoniaeth yr avant-garde. Cerdd mewn saith caniad ydyw sy'n ymdrin â themâu marwolaeth a dirgelwch, ac yn fyfyrdod radicalaidd ar iaith a phwnc barddoniaeth. Cyflawnodd Huidobro y gwaith yn y cyfnod 1919–31.[1]
 | |
| Enghraifft o'r canlynol | gwaith llenyddol  |
|---|---|
| Awdur | Vicente Huidobro |
| Cyhoeddwr | Compañía Iberoamericana de Publicaciones (Madrid) |
| Gwlad | Tsile |
| Iaith | Sbaeneg |
| Dyddiad cyhoeddi | 1931 |
| Dyddiad cyhoeddi | 1931 |
| Darlunydd | Pablo Picasso |
| Genre | Barddoniaeth |
Yn y rhagair, mae'r adroddwr Altazor yn llunio dameg hiraethus ar gyfer hanes ei gwymp. Wedi'r trydydd caniad, mae Altazor yn diflannu mewn môr o eiriau sydd yn ceisio creu byd ieithyddol heb oddrych, trwy ddulliau chwarae ar eiriau a throellau ymadrodd. Casgliad o lafariaid ar hap ydy'r caniad olaf, sy'n cynrychioli drylliau parasiwt (paracaídas) toredig Altazor.[1]
Mae'r llyfr yn cynnwys portread o'r bardd gan Pablo Picasso. Er anrhydedd i Huidobro a'i waith, gelwir Gwobr Genedlaethol y Celfyddydau yn Tsile yn Wobr Altazor.