Annapurna
Mae Annapurna (Sansgrit, Nepaleg, Nepal Bhasa: अन्नपूर्ण) yn gyfres o gopaon yn yr Himalaya yn Nepal, sy'n ffurfio cadwyn 55 km o hyd. Y copa uchaf yw Annapurna I, sy'n 8,091 m (26,538 troedfedd), y 10fed copa yn y byd o ran uchder., ac yn un o'r 14 copa yn y byd dros 8,000 medr. Saif i'r dwyrain o ddyffryn Kali Gandaki, sy'n ei wahanu oddi wrth Dhaulagiri. Enw Sansgrit yw Annapurna, a'i ystyr yw "Duwies y Cynhaeaf".
 | |
| Math | cadwyn o fynyddoedd  |
|---|---|
| Daearyddiaeth | |
| Sir | Gandaki Province |
| Gwlad | Nepal |
| Uwch y môr | 8,091 metr, 7,756 metr |
| Cyfesurynnau | 28.5961°N 83.8203°E |
| Amlygrwydd | 2,984 metr |
| Cadwyn fynydd | Himalaya |
 | |
Annapurna I oedd y cyntaf o'r copaon dros 8,000 medr i gael ei ddringo, gan Maurice Herzog a Louis Lachenal, aelodau o dîm o Ffrainc, a gyrhaeddodd y copa ar 3 Mehefin 1950. Ystyrir copaon Annapurna ymhlith y mynyddoedd peryclaf yn y byd i'w dringo. Hyd at 2005, dim ond 103 oedd wedi cyrraedd y copa, a 56 wedi eu lladd yn yr ymgais.
| Y 14 copa dros 8,000 medr |
| Annapurna · Broad Peak · Cho Oyu · Dhaulagiri · Everest · Gasherbrum I · Gasherbrum II |
| K2 · Kangchenjunga · Lhotse · Makalu · Manaslu · Nanga Parbat · Shishapangma |
