Baner Gaiana

Bu baner Gaiana (Guyana) yn faner swyddogol y wlad yma yn Ne America ers mis Mai 1966 pan ddaeth y wlad yn annibynnol oddi ar y Deyrnas Unedig. Y llysenw ar y faner yw The Golden Arrowhead.

1:2 Baner forol Gaiana, cymesuredd, 2:1

Baner Gaiana mewn parêd Caribî, Toronto

Dyluniwyd y faner gan Whitney Smith, fecsolegydd o America. Roedd ei gynllun yn wreiddiol heb y ffinio du a gwyn a ychwanegwyd yn hwyrach ar awgrymiad y College of Arms, corff herodraeth Lloegr. Gwnaethpwyd hyn er mwyn cydymffurfio â Rheol Tintur sy'n nodi bod "lliw ar liw" (yn achos saeth werdd ar gefndir goch yn achos y dyluniad wreiddiol, yn anodd ei weld a'i adnabod o bellter. Cymesuredd y faner yw 3:5.

Symboliaeth

Mae symboliaeth i'r lliwiau:

Gwyrdd - amaethyddiaeth a choedwigoedd

Gwyn - afonydd a dŵr

Aur - Cyfoeth y mwynau

Du - Gwytnwch

Coch - Sêl a deimanegrwydd

Baneri eraill

Ceir baneri ar gyfer wahanol wasanaethau sifil a lluoedd arfog Gaiana. Maent yn aml yn dilyn traddodiad banereg Brydeinig.

• 
  Baner Ensign Awyr Sifil Gaiana
• 
  Llu Amddiffyn Gaiana
• 
  Heddlu Gaiana
• 
  Gwasanaeth carchardai Gaiana

Cyn-faneri

Fel rhan o Ymerodraeth Prydain, roedd y faner a ddefnyddiwyd i gynrychioli Gaiana yr un cynllun bras â threfediaethau eraill yr ymeroedraeth - llain las, gyda baner Jac yr Undeb yn y canton ac arfbais Gaiana mewn cylch ar ochr canol dde y faner. Defnyddiwyd fersiwn goch answyddogol ar y môr (gan ddynwared lliman goch, 'Red Ensign' Prydain). Lansiwyd y faner gyntaf yma yn 1875 gan addasu yn 1906 ac 1955. Fel gydag holl baneri yn y traddodiad Brydeinig, y cymesuredd oedd 1:2. Lluniwyd hefyd faner answyddogol ar gyfer Gweriniaeth Gaiana rhwng 1997-1904.

• 
  Baner Gaina Brydeinig, 1875 tan 1906
• 
  Baner Gweriniaeth Gaiana Annibynnol, 1887 tan 1904
• 
  Baner Gaiana Brydeinig, 1906 tan 1955, diddymwyd y disg wen yn 1919
• 
  Baner Gaiana Brydeinig, 1955 tan 1966

Dolenni allanol

• Gaiana ar wefan Flags of the World