Castell Caerwedros
Castell Normanaidd yng Ngheredigion yw Castell Caerwedros. Cyfeiriad Arlowg Ordnans: SN376557.
| Math | Wikimedia duplicated page  |
|---|---|
| Daearyddiaeth | |
| Sir | Ceredigion |
| Gwlad |  Cymru |
Dyma un o'r cestyll a adeiladwyd gan yr Arglwydd Richard de Clare tua'r flwyddyn 1110 pan ymosododd y Normaniaid ar Geredigion. Fe'i enwir ar ôl cwmwd Caerwedros, un o bedwar cwmwd cantref Is Aeron. Castell mwnt a beili oedd yr amddiffynfa hon. Cafodd ei losgi gan y brenin Owain Gwynedd mewn cynghrair â Hywel ap Maredudd a Madog ab Idnerth o Ddeheubarth yn ystod ei ymgyrch mawr yn y de yn 1136 (Brut y Tywysogion).
Gorwedd y castell rhwng afon Sodren ac afon Ffynnon Ddewi, tua dwy filltir a hanner i'r de o'r Cei Newydd, ar gyrion pentref bychan Caerwedros. Dim ond twmpath o bridd sydd yno heddiw, ar dir preifat.
Ffynhonnell
golygu- Afan ab Alun, Cestyll Ceredigion (Gwasg Carreg Gwalch, 1991)