Cecelia Ahern

Awdures o Iwerddon yw Cecelia Ahern (ganwyd 30 Medi 1981) sy'n cael ei hystyried yn nodigedig am ei gwaith fel awdur, nofelydd a sgriptiwr.

Cecelia Ahern
Ganwyd	30 Medi 1981  Dulyn
Man preswyl	Swydd Dulyn
Dinasyddiaeth	Gweriniaeth Iwerddon
Alma mater	Coleg Griffith, Dulyn Pobalscoil Neasáin
Galwedigaeth	llenor, nofelydd, sgriptiwr, cynhyrchydd teledu
Adnabyddus am	PS, I Love You, Love, Rosie, If You Could See Me Now, A Place Called Here, Thanks for the Memories
Arddull	nofel ramant
Tad	Bertie Ahern
Mam	Miriam Ahern
Gwefan	https://www.cecelia-ahern.com

Fe'i ganed yn Nulyn ac wedi gadael yr ysgol mynychodd Goleg Griffith, Dulyn.

Mae'n nodelydd poblogaidd, o ran gwerthiant ei llyfrau, ac yn adnabyddus am: PS, I Love You, Love, Rosie, If You Could See Me Now, A Place Called Here a Thanks for the Memories. Erbyn 2019 roedd wedi cyhoeddi ei gwaith mewn bron i hanner cant o wledydd, ac mae wedi gwerthu dros 25 miliwn o gopïau o'i nofelau ledled y byd. Mae dau o'i llyfrau wedi'u haddasu'n ffilmiau epig.

Mae hi a'i llyfrau wedi ennill nifer o wobrau, gan gynnwys Gwobr Llyfr Iwerddon am Ffuglen Boblogaidd am ei chyfrol The Year I Met You. Cyhoeddodd sawl nofel ac mae wedi cyfrannu nifer o straeon byrion at flodeugerddi amrywiol. Sgwennodd a chynhyrchodd Ahern y comedi Samantha Who? (ABC), yn serennu Christina Applegate.

Magwraeth

Mae Ahern yn ferch i gyn-Taoiseach Iwerddon, Bertie Ahern. Priododd ei chwaer hŷn, Georgina Ahern, â Nicky Byrne o'r grŵp pop Gwyddelig Westlife. Yn 2000, roedd Cecelia Ahern yn rhan o’r grŵp pop Gwyddelig Shimma, a orffennodd yn drydydd yn rownd derfynol genedlaethol Iwerddon ar gyfer Cystadleuaeth Cân Eurovision.

Ahern yn Frankfurt; 2018

Cyn dechrau ei gyrfa ysgrifennu a chynhyrchu, enillodd radd mewn Newyddiaduraeth a Chyfathrebu â'r Cyfryngau o Goleg Griffith Dulyn, ond tynnodd yn ôl o gwrs gradd Meistr i ddilyn ei gyrfa fel awdur.

Yr awdur

Yn 2002, pan oedd Cecelia Ahern yn un ar hugain oed, ysgrifennodd ei nofel gyntaf, PS, I Love You (2004) a fu'r gwerthwr gorau yn Iwerddon am 19 wythnos, ac yn Rhif Un hefyd yng ngwledydd Prydain, yr Unol Daleithiau, yr Almaen a'r Iseldiroedd. Erbyn 2019 roedd yn cael ei werthu mewn dros 40 o wledydd. Addaswyd y llyfr fel ffilm wedi'i gyfarwyddo gan Richard LaGravenese ac yn serennu Hilary Swank a Gerard Butler. Fe'i rhyddhawyd yn yr Unol Daleithiau ar 21 Rhagfyr 2007.

Llyfryddiaeth

• PS, I Love You (2004)
• Where Rainbows End (2004)
• If You Could See Me Now (2005)
• A Place Called Here (2006)
• Thanks For The Memories (2008)
• The Gift (2008)
• The Book Of Tomorrow (2009)
• The Time Of My Life (2011)

• One Hundred Names (2012)
• How To Fall In Love (2013)
• The Year I Met You (2014)
• The Marble Collector (2015)
• Flawed (2016)
• Lyrebird (2016)
• Perfect (2017)
• Postscript (2019)

Storiau byrion

• 24 Minutes in Moments (2004)
• Next Stop: Table For Two in Short and Sweet (2005)
• The Calling in Irish Girls Are Back In Town (2005)
• Mrs. Whippy (2006)
• The End in Girls' Night In (2006)
• Girl In The Mirror (2010)
• Roar: Thirty Women, Thirty Stories (2018)