Chwe Oes y Byd

Yn yr Oesoedd Canol yr oedd haneswyr, gan ddilyn y traddodiad Cristnogol, yn dosbarthu hanes y Byd yn chwe oes. Weithiau ychwanegid seithfed oes trwy gyfrif cyfnod cenhadaeth Iesu Grist fel y chweched oes a'r cyfnod ar ôl hynny fel y seithfed.

Chwe Oes y Byd

Enghraifft o'r canlynol	amser
Rhan o	hanes

Y Farn Fawr ar ddiwedd Oes Olaf y Byd (o destun o Lyfr Genesis yng Nghadeirlan Caerwynt)

Yr Oes Gyntaf

O Greu y Byd gan Dduw hyd at y Dilyw, h.y. o amser Adda ac Efa yng Ngardd Eden hyd amser Noa. Cyfnod o 2,242 mlynedd.

Yr Ail Oes

O'r Dilyw hyd oes Abraham. Cyfnod o 942 mlynedd.

Y Drydedd Oes

O amser Abraham hyd amser Dafydd, brenin Israel. Cyfnod o 500 mlynedd.

Y Bedwaredd Oes

O amser Dafydd hyd amser y proffwyd Daniel a Nebuchodnesar, brenin Babilon, pan gaethiwyd yr Iddewon "ar lannau Babilon". Cyfnod o 569 mlynedd.

Y Bumed Oes

O amser Daniel hyd amser Ioan Fedyddiwr a genedigaeth Crist. Cyfnod o 566 mlynedd.

Y Chweched Oes

O amser Ioan Fedyddiwr hyd Ddydd y Farn ar Ddiwedd y Byd.

Eginyn erthygl sydd uchod am Gristnogaeth. Gallwch helpu Wicipedia drwy ychwanegu ato.

Eginyn erthygl sydd uchod am hanes. Gallwch helpu Wicipedia drwy ychwanegu ato.