Cliff Morgan
Chwaraewr Rygbi'r Undeb o Gymru oedd Clifford Isaac "Cliff" Morgan (7 Ebrill 1930 – 29 Awst 2013). Chwaraeodd dros Gaerdydd ac a enillodd 29 o gapiau dros Gymru rhwng 1951 a 1958. Fe'i ganwyd yn Nhrebanog, Cwm Rhondda.[1]
| Cliff Morgan | |
|---|---|
| Ganwyd | 7 Ebrill 1930  Trebanog |
| Bu farw | 29 Awst 2013 o canser Bembridge |
| Dinasyddiaeth | y Deyrnas Unedig |
| Alma mater |
|
| Galwedigaeth | chwaraewr rygbi'r undeb, cyflwynydd teledu, gohebydd chwaraeon |
| Cyflogwr | |
| Taldra | 171 centimetr |
| Pwysau | 71 cilogram |
| Gwobr/au | OBE, Commander of the Royal Victorian Order, Welsh Sports Hall of Fame, World Rugby Hall of Fame |
| Chwaraeon | |
| Tîm/au | Clwb Rygbi Caerdydd, Y Barbariaid, Tîm rygbi'r undeb cenedlaethol Cymru, Bective Rangers, Y Llewod Prydeinig a Gwyddelig |
| Safle | maswr |
| Gwlad chwaraeon | Cymru |
Roedd Morgan o deulu o lowyr, ac ymunodd â chlwb Caerdydd yn syth o'r ysgol yn 1949, yn chwarae fel maswr. Yn ystod tymor 1955 chwaraeodd yn Iwerddon gyda chlwb Bective Rangers, ac erbyn hynny roedd yn ddigon enwog i'r clwb gael ei alw yn "Morgan Rangers" o ganlyniad. Enillodd ei gap cyntaf dros Gymru yn erbyn Iwerddon yn 1951, a chwaraeodd yn y tîm a gyflawnodd Y Gamp Lawn yn 1952. Ef oedd capten tîm Cymru yn 1956.
Bu ar daith i Dde Affrica gyda'r Llewod Prydeinig yn 1955 ac ef oedd capten y Llewod yn y trydydd gêm brawf ym Mhretoria, gêm a enillwyd gan y Llewod.
Ar ôl iddo ymddeol fel chwaraewr rygbi, daeth yn adnabyddus fel darlledwr a sylwebydd ar gemau rygbi.
Cyfeiriadau
golygu- ↑ Richard Williams (29 Awst 2013). "Cliff Morgan obituary". The Guardian (yn Saesneg). Cyrchwyd 6 Ebrill 2023.