Coleg Merthyr Tudful

Mae Coleg Merthyr Tudful (Saesneg: Merthyr Tydfil College ) yn goleg addysg bellach wedi'i leoli ym Merthyr Tudful. Rhwng Mai 2006 ac Ebrill 2013, roedd yn goleg cyfansoddol i Brifysgol Morgannwg ac wedi hynny yn goleg i Brifysgol De Cymru (wedi i'r sefydliad newid ei henw).

Coleg Merthyr Tudful

Enghraifft o'r canlynol	coleg addysg bellach
Yn cynnwys	Llyfrgell Coleg Merthyr
Pencadlys	Merthyr Tudful
Rhanbarth	Merthyr Tudful
Gwefan	http://www.merthyr.ac.uk/
Ffeiliau perthnasol ar Gomin Wicimedia

Camwps newydd Coleg Merthyr

Cyn dod o dan adain y brifysgol lleol, roedd y coleg yn sefydliad annibynnol, ond daeth yn rhan o Grŵp Prifysgol Morgannwg ym mis Mai 2006. Er ei fod yn un o golegau cyfansoddol y brifysgol, nid yw Coleg Merthyr Tudful yn rhan swyddogol o'r brifysgol. Bellach, mae’n cael ei redeg gan Brifysgol De Cymru fel sefydliad ar wahân, sy’n canolbwyntio’n bennaf ar gynnig addysg bellach i’r gymuned leol ym Merthyr Tudful. Mae'r Coleg yn rhan o rwydwaith y sector, ColegauCymru.

Lleoliad

Hen Neuadd y Dref Merthyr, safle'r 'Tŷ Coch' campws arall y Coleg

Derbynfa'r campws newydd yn Ynysfach

Mynedfa campws Ynysfach

Ceir dau gampws fel rhan o Goleg Merthyr. Mae'r campws newydd yn Ynysfach a'r Tŷ Coch (Red House - hen neuadd y dref Merthyr) yng nghanol y dref. Agorwyd yn dilyn ad-drefnu addysg ôl 16 oed yn Sir Merthyr gan gau adrannau 6ed dosbarth yr ysgolion uwchradd lleol - a fu'n benderfyniad amhoblogaidd gan nifer.

Agorwyd y campws newydd yn Ynysfach ym mis Medi 2013.

Mae'r cyrsiau yn Ynysfach yn cynnwys: 30 Ystafell ddosbarth, 19 Ystafell TG, 8 Ystafelloed Ymarferol Celfyddydau Creadigol, Ystafell Cerameg, Stiwdio Ffotograffiaeth ac Ystafell Dywyll, 5 Labordy Gwyddoniaeth, 3 Salon Trin Gwallt, 2 Salon Harddwch, neuadd chwaraeon 600m2 gyda wal ddringo, 6 ystafell ddysgu ILS arbenigol, Labordy Gwyddor Chwaraeon, Labordy Electroneg, Mannau Gweithredol, Ardal Ddysgu, Ardaloedd TG/Dysgu ledled yr adeilad, Mannau Cymdeithasol ledled yr adeilad, Ffreutur Mawr, Caffi, Ardal Gwasanaethau Myfyrwyr Un Stop, ac Ystafell Weddi a Myfyrdod.

Darpariaeth

Mae'r coleg yn darparu ystod o gyrsiau i fyfyrwyr o'r ardal leol, gan gynnwys TGAU, Lefel A, BTEC, Prentisiaethau a chyrsiau Mynediad . Mae Coleg Merthyr Tudful hefyd yn cynnig darpariaeth gyfyngedig o gyrsiau addysg uwch ar y cyd â Phrifysgol De Cymru.

Cyrsiau

Mae'r Coleg yn cynnig amrediad o gyrsiau gan fwyaf rhai galwedigaethau. Maent yn cynnwys:

Addysg Uwch Amgylchedd Adeiledig Busnes a Rheoli Cerbyd Modur Cyfrifiadura Chwaraeon Diwydiannau Creadigol - Celf, Graffeg a Ffotograffiaeth Diwydiannau Creadigol - Cyfryngau, Cerddoriaeth, a Chelfyddydau Perfformio Y Dyniaethau Gofal Plant ac Addysg

Gwasanaethau Cyhoeddus Gwyddoniaeth a Mathemateg Harddwch Iechyd a Gofal Cymdeithasol Peirianneg Sgiliau Byw'n Annibynnol Saesneg ar gyfer siaradwyr ieithoedd eraill (ESOL) Sgiliau ar gyfer Astudio Pellach Teithio a Thwristiaeth Trin Gwallt

Coleg Merthyr a'r Gymraeg

Saesneg yw prif iaith cyfrwng dysgu y Coleg ond ceir ymrywiad yn unol gyda Safonau’r Gymraeg wyddfa Comisynydd y Gymraeg i roi mynediad cyfartal i wasanaethau a phrofiadau i staff, myfyrwyr ac ymwelwyr sy’n siarad Cymraeg. Mae Coleg Merthyr, gyda'r Coleg Cymraeg Cenedlaethol, yn datblygu modiwlau a darpariaeth Cymraeg mewn rhai meysydd.

Cyn-fyfyrwyr nodedig

• Gerrion Jones, Casglwr Celf

Dolenni allanol

• Hafan Coleg Merthyr Tudful
• Digwyddiadau Cymraeg Coleg Merthyr @ColegMerthyr
• Hen Ferthyr Tudful: Coleg Merthyr Tudful - Ffotograffau Hanesyddol o Goleg Merthyr Tudful.
• Taith Rithiol o'r Coleg