Cwch Hir Celtaidd

Mae'r Cwch Hir Celtaidd yn gwch rhwyfo a ddefnyddir ar gyfer rhwyfo arfordirol a môr, hyfforddi ac hamdden. Mae ganddo le ar gyfer set o bedwar rhwyfwr unrhwyf (lle bydd y rhwyfwr ond yn defnyddio un rhwyf gyda rhwyfwr arall yn rhwyfo ar yr ochr arall, gyfochrog, neu bob yn ail iddo). Ceir hefyd llyw ("coxswain").

Cychod Hir Celtaidd Madryn a Mererid, Clwb Rhwyfo Pwllheli

Mae gan y fath yma o gwch hanes hir ar hyd arfordir gorllewin Cymru.

Gweinyddu

Cymdeithas Rhwyfo Môr Cymru yw'r corff sy'n gweinyddu a rheoli rasys Cychod Celtaidd. Ceir sawl Clwb Cychod Celtaidd ar draws Cymru.

Adeiladu

Mae cwmni "Dale Sailing" o Neyland yn Sir Benfro wedi eu dynodi'r adeiladwr yn 1999 ac mae dros 22 o gychod wedi eu hadeiladu ganddynt gyda 4 wedi mynd i Dubai a 12 arall ar archeb.

Heriau Rhwyfo Môr mewn Cwch Hir Hir Celtaidd

Bydd Cychod Hir Celtaidd yn cymryd rhan mewn rasys megis Ras Rwyfo'r Her Geltaidd a gynhelir bob yn ail flwyddyn rhwng Arklow yn Iwerddon ac Aberystwyth yng Nghymru. Cynhaliwyd y ras gystadleuol gyntaf yn 1993.

Bu i Gychod Hirion Celtaidd hefyd rwyfo rhwng Porth Oer ger Aberdaron ym Mhenrhyn Llŷn a Phenrhyn Wichlow yn Swydd Wicklow yn Iwerddon yn 2006.

Gweler hefyd

Ceir clybiau cychod hir Celtaidd mewn sawl tref yng Nghymru:

• Clwb Rhwyfo Cwch Hir Aberaeron sy'n gwahodd pobl i ymaelodi.
• Ceir gwersi a sesiynau rhwyfo Cychod Hir Celtaidd gan Glwb Antur Dyffryn Peris ar Lyn Peris, Llanberis.
• Erthygl gan Cerian o glwb rhwyfo Porth Llechog am dîm rhwyfo Cwch Hir Celtaidd, "Y Gogs Bach".

Dolenni allanol

• Hanes y Cwch Hir Celtaidd (Saesneg)
• https://web.archive.org/web/20110312120708/http://www.dale-sailing.co.uk/clb.html manufacturer of Celtic Longboats
• Gwefan Rhwyfo Cymru
• Cymdeithas Rhwyfo Môr Cymru ar Facebook