Cynghrair Undebol y Gogledd

Cynghrair bêl-droed yng ngogledd Cymru ydy Cynghrair Undebol y Gogledd sydd, am resymau nawdd, yn cael ei hadnabod fel Cynghrair Undebol Lock Stock (Saesneg: Lock Stock Welsh Alliance). Mae dwy adran i'r gynghrair gyda'r brif adran yn gyfystur i drydedd rheng Pyramid pêl-droed Cymru ac yn bwydo'r Gynghrair Undebol tra bod yr ail adran yn gyfystur â'r bedwaredd rheng o'r Pyramid pêl-droed yng Nghymru.

Caiff yr ail adran ei bwydo gan Gynghreiriau Gwynedd a Dyffryn Clwyd a Chonwy.

Hanes

Daeth y Gynghrair i fodolaeth yn dilyn diddymiad Cynghrair Cymru (Y Gogledd) ym 1984. Y bwriad gwreiddiol oedd i greu cynghrair ar gyfer prif glybiau gogledd a chanolbarth Cymru ac adlewyrchu'r hyn oedd yn digwydd gyda Chynghrair Cymru (Y De) ond dim ond clybiau o Gymdeithas Bêl-droed Arfordir Gogledd Cymru wnaeth cais i ymuno â'r gynghrair newydd.

Conwy oedd pencampwyr cyntaf y gynghrair newydd.

Cynghrair Undebol y Gogledd oedd prif gynghrair i glybiau Cymdeithas Bêl-droed Arfordir Gogledd Cymru hyd nes sefydlu'r Gynghrair Undebol ym 1990 ac yna Uwch Gynghrair Cymru ym 1992.

Pencampwyr

Tymor	Pencampwyr		Tymor	Pencampwyr		Tymor	Pencampwyr
1984-85	Conwy		1999-2000	Helygain		2015-16	Bae Trearddur
1985-86	Conwy		2000-01	Llanfairpwll		2016-17	Glantraeth
1986-87	Bethesda		2001-02	Amlwch		2017-18	Conwy
1987-88	Llanfairpwll		2002-03	Glantraeth
1988-89	Y Fflint		2003-04	Ail dîm Y Rhyl
1989-90	Porthmadog		2004-05	Bodedern
1990-91	Llangefni		2005-06	Dinbych
1991-92	Llangefni		2006-07	Bethesda
1992-93	Bae Cemaes		2007-08	Bethesda
1993-94	Llangefni		2009-10	Rhydymwyn
1994-95	Rhydymwyn		2010-11	Conwy
1995-96	Dinbych		2011-12	Hotspur Caergybi
1996-97	Glantraeth		2012-13	Caernarfon
1997-98	Hotspur Caergybi		2013-14	Dinbych
1998-99	Llangefni		2014-15	Treffynnon

Dolen allanol

• (Saesneg) Gwefan swyddogol Archifwyd 2017-06-27 yn y Peiriant Wayback