Daniel Radcliffe

Actor Seisnig yw Daniel Jacob Radcliffe (ganwyd 23 Gorffennaf 1989). Adnabyddir ef orau am ei rôl fel Harri Potter ymhob un o'r pum ffilm yn seiliedig ar y llyfrau hynod boblogaidd Harry Potter. Fe fydd hefyd yn ymddangos yn y tri ffilm olaf yn y gyfres.

Daniel Radcliffe
Ffugenw	Jacob Gershon
Ganwyd	Daniel Jacob Radcliffe  23 Gorffennaf 1989  Hammersmith
Man preswyl	Fulham, West Village
Dinasyddiaeth	y Deyrnas Unedig
Alma mater	Ysgol Dinas Llundain Sussex House School
Galwedigaeth	actor teledu, actor ffilm, actor plentyn, canwr, actor llwyfan, actor
Adnabyddus am	Harry Potter, Miracle Workers, A Young Doctor's Notebook
Taldra	1.65 metr
Tad	Alan Radcliffe
Mam	Marcia Gresham
Partner	Erin Darke
Gwobr/au	Golden Apple Award, National Movie Awards, Gwobrau Teen Choice, seren ar Rodfa Enwogion Hollywood, 2009 MTV Movie Awards, Sitges Film Festival Best Actor award, Gwobr Tony am Actor Nodwedd Gorau mewn Sioe-Gerdd
Gwefan	https://www.danieljradcliffe.com
llofnod

Mae Radcliffe hefyd wedi actio mewn cynyrchiadau llwyfan a nifer o ffilmiau a rhaglenni teledu eraill, gan gynnwys y ffilm ITV My Boy Jack a'r drama lwyfan Equus, a gafodd feirniadaethau canmoladwy iawn. Credir fod ganddo ffortiwn bersonol o ychydig yn llai na £20 miliwn, a ddaeth yn bennaf o'i gytundeb gyda'r ffilmiau Harry Potter.

Bywgraffiad

Ei fywyd cynnar

Ganwyd Radcliffe yn Ysbyty'r Frenhines Charlotte, Gorllewin Llundain, Lloegr. Ef oedd unig fab Alan Radcliffe, asiant llenyddol, a Marcia Gresham (ganed Marcia Gresham Jacobson), asiant castio a oedd ynghlwm â nifer o ffilmiau ar gyfer y BBC gan gynnwys The Inspector Lynley Mysteries ac yn fwy diweddar Walk Away and I Stumble. Iddewes yw mam Radcliffe a gafodd ei magu yn Westcliff-on-Sea, Essex; magwyd ei dad yng Ngogledd Iwerddon. Dangosodd Radcliffe ddiddordeb mewn actio am y tro cyntaf pan oedd yn bum mlwydd oed. Ym mis Rhagfyr 1999, cafodd ei ran cyntaf yn addasiad dwy-ran y BBC o nofel Charles Dickens "David Copperfield". Chwaraeodd ran y prif gymeriad.

Ffilmiau

• Harry Potter and the Philosopher's Stone (ffilm) (2001)
• Harry Potter and the Chamber of Secrets (ffilm) (2002)
• Harry Potter and the Prisoner of Azkaban (ffilm) (2004)
• Harry Potter and the Goblet of Fire (ffilm) (2005)
• Harry Potter and the Order of the Phoenix (ffilm) (2007)

Ffynonellau

Eginyn erthygl sydd uchod am Sais neu Saesnes. Gallwch helpu Wicipedia drwy ychwanegu ato.