David Charles II
Roedd David Charles II yn fab i David Charles (I), yn weinidog ac yn emynydd o sir Gaerfyrddin.
| David Charles II | |
|---|---|
| Ganwyd | 1803  Caerfyrddin |
| Bu farw | 10 Mai 1880 |
| Dinasyddiaeth |  Cymru |
| Galwedigaeth | gweinidog yr Efengyl, emynydd |
| Tad | David Charles |
| Mam | Sarah Phillips |
| Priod | Anne Roberts |
| Plant | David Roberts Charles |
Ganwyd David Charles II yn nhref Caerfyrddin yn 1803, ac fe'i addysgwyd yn yr ysgol ramadeg a'r Coleg Presbyteraidd. Priododd Sarah, merch Thomas Rice Charles, ei wraig gyntaf, a fu farw ym 1833, ac Ann, merch Richard Roberts, Lerpwl, a chael un mab, David Roberts Charles. Cychwynnodd weithio i'w dad, ac fel yntau, dechreuodd bregethu pan yn ganol oed, a chael ei ordeinio i'r gwaith gan y Methodistiaid Calfinaidd yn 1851. Un agwedd ar y gwaith hwnnw oedd cyhoeddi misolyn bychan o'r enw Yr Addysgydd, a golygu'r Casgliad o Hymnau Hen a Newydd at wasanaeth y Trefnyddion Calfinaidd. Bu'n flaenllaw yn yr alwedigaeth hon, gan dderbyn cadair y Gymdeithasfa yn y De yn y flwyddyn 1853, ac yn gyd-ysgrifennydd Coleg Trefecca o 1842 i 1852. Cyfansoddodd a/neu gyfieithu emynau lawer, a daeth rhai yn adnabyddus iawn. Bu farw yn nhy ei fab, ac fe'i claddwyd yn Ulverston, swydd Gaerhirfryn.
Ffynonellau
golygu- Y Traethodydd, (1893) & (1936)
- J. Thickens, Emynau a'u Hawduriaid, (1945)
- David Charles II, Casgliad o Hymnau Hen a Newydd, (1841)