Deffro'r Gwanwyn (sioe gerdd)

Sioe gerdd roc yw Deffro'r Gwanwyn, sy'n drosiad Cymraeg o'r sioe gerdd wreiddiol Spring Awakening, gan Duncan Sheik a Steven Sater.

Deffro'r Gwanwyn

Enghraifft o'r canlynol	gwaith drama-gerdd
Dyddiad y perff. 1af	1 Mawrth 2011

Poster hyrwyddo llwyfaniad gwreiddiol Theatr Genedlaethol Cymru o Deffro'r Gwanwyn (Mawrth 2011) gydag Ellen Ceri Lloyd ac Aled Pedrick

Plot

Mae'r sioe gerdd yn seiliedig ar ddrama Almaeneg Frühlings Erwachen (Deffro'r Gwanwyn) a ysgrifennwyd ym 1891 gan y dramodydd Frank Wedekind. Roedd yn ddrama ddadleuol iawn ar y pryd, a waharddwyd yn yr Almaen am gyfnod oherwydd ei phortread cignoeth o erthylu, cyfunrywioldeb, trais rhywiol, cam-drin plant a hunanladdiad. Mae'r ddrama'n ymwneud â deffroad rhywiol criw o arddegolion yn yr Almaen ddiwedd y bedwaredd ganrif ar bymtheg.

Y cynhyrchiadau Cymraeg

Ym mis Mawrth 2011, llwyfannwyd Deffro'r Gwanwyn gan Theatr Genedlaethol Cymru, cyfieithiad Cymraeg o'r sioe gan y dramodydd Dafydd James. Gwerthwyd pob tocyn a bu canmoliaeth fawr i'r cynhyrchiad. Aeth y Theatr ar daith unwaith eto gyda'r sioe ym mis Tachwedd 2011, gyda rhai newidiadau i'r cast.

Cast cynhyrchiad gwreiddiol Llundain a'r ddau gynhyrchiad Cymraeg.

Cymeriad	Cast y cynhyrchiad Cymraeg gwreiddiol	Cast yr ail gynhyrchiad Cymraeg
Melchior	Aled Pedrick	Aled Pedrick
Wendla	Ellen Ceri Lloyd	Ellen Ceri Lloyd
Moritz	Iddon Jones	Iddon Jones
Ilse	Lynwen Haf Roberts	Nia Ann
Oedolion (Dynion)	Dyfed Thomas	Dyfed Thomas
Oedolion (Merched)	Ffion Dafis	Victoria Pugh
Hanschen	Owain Gwynn	Tomos Eames
Georg	Daniel Lloyd	Siôn Ifan
Martha	Zoe George	Zoe George
Ernst	Meilir Rhys Williams	Meilir Rhys Williams
Otto	Berwyn Pearce	Berwyn Pearce
Anna	Elain Lloyd	Elain Llwyd
Thea	Elin Llwyd	Elin Llwyd