Dictionnaire de l'Académie française
Geiriadur Ffrangeg awdurdodol a gyhoeddir gan yr Académie française yn Ffrainc ac sy'n cynrychioli un o brif oruchwylion y sefydliad hwnnw yw'r Dictionnaire de l’Académie française (Geiriadur yr Academi Ffrengig). Cyhoeddwyd argraffiadau newydd diwygiedig, ar ôl proses hir o drafod ac ymgynghori, yn 1694, 1718, 1740, 1762, 1798, 1835, 1878, 1935. Ysgrifennwyd y rhagymadrodd i'r argraffiad cyntaf gan y llenor Charles Perrault. Mae'r nawfed argraffiad yn cael ei baratoi ers 1992, ond hyd yn hyn dim ond y rhannau A-Emz a Éoc-Map sydd wedi dod allan.
 | |
| Enghraifft o'r canlynol | gwaith ysgrifenedig, collective work  |
|---|---|
| Awdur | Académie française |
| Iaith | Ffrangeg |
| Genre | geiriadur |
 Ffeiliau perthnasol ar Gomin Wicimedia | |
Dyma eiriadur "swyddogol" yr iaith Ffrangeg. Yn wahanol i eiriaduron disgrifiadol fel Le Robert neu'r Petit Larousse, sy'n ceisio disgrifio cyflwr yr iaith fel y mae'n cael ei defnyddio ar lafar a'i hysgrifennu yn gyfoes, mae'r Dictionnaire de l’Académie française yn ceisio cadw yr iaith Ffrangeg lenyddol fel y dylai gael ei hysgrifennu (a'i siarad). Gellid dweud felly mai ei swyddogaeth yw cadw "purdeb" yr iaith.
Dolenni allanol
golygu- (Ffrangeg) Dictionnaire de l’Académie française Archifwyd 2007-08-07 yn y Peiriant Wayback (gwefan swyddogol).
- (Ffrangeg) Dictionnaire de l’Académie française.
- (Ffrangeg) Dictionnaire de l’Académie française ar-lein : 8fed argraffiad 9fed argraffiad, anghyflawn (argymhellir gan yr Académie française)
- (Saesneg) Dictionnaire de l’Académie française ar-lein : Argraffiadau hanesyddol - 1af, 4ydd, 5ed, 6ed - a'r 8fed (Prifysgol Chicago).