Dilwyn
Pentref a phlwyf sifil yn Swydd Henffordd, Gorllewin Canolbarth Lloegr, yw Dilwyn.[1] Fe'i lleolir ger y ffordd A4112 tua 6 milltir i'r de-orllewin o dref Llanllieni (tua 10 milltir i'r gogledd-ddwyrain o Henffordd).
 | |
| Math | pentref, plwyf sifil  |
|---|---|
| Ardal weinyddol | Swydd Henffordd (Awdurdod Unedol) |
| Daearyddiaeth | |
| Sir | Swydd Henffordd (Sir seremonïol) |
| Gwlad |  Lloegr |
| Cyfesurynnau | 52.186°N 2.856°W |
| Cod SYG | E04000738 |
| Cod OS | SO417547 |
| Cod post | HR4 |
 | |
Yng Nghyfrifiad 2011 roedd gan y plwyf sifil boblogaeth o 711.[2]
"Black and white village" yw'r pentref; hynny yw, mae'n enwog am ei adeiladau ffrâm bren du a gwyn.
Ychydig i'r gogledd o'r pentref ceir cymunedau bychain Dilwyn Common, Little Dilwyn a Sollers Dilwyn. Mae'n anodd gwybod a ydyw'r enw Dilwyn yn tarddu o'r enw personol Cymraeg 'Dilwyn' neu yn llygriad o 'Dulwyn' (du + llwyn).
Gorwedd y pentref mewn cwm llydan sy'n arwain o afon Gwy i Lanllieni, gyda ffrwd Stretford Brook yn rhedeg trwyddi. I'r gogledd ceir afonydd Arrow a Lugg. Nodweddir Dilwyn gan nifer o'r hen dai hanner pren du a gwyn sydd mor nodweddiadol o ogledd-orllewin Swydd Henffdordd.
Mae plwyf Dilwyn yn cynnwys cymunedau Sollers Dilwyn, Little Dilwyn, The Haven, Hill Top, The Hurst, Headland, Bearton, Bidney, Henwood, Stockmoor a Stockingfield. Ceir dros 200 annedd yn 6,400 acr y plwyf a phoblogaeth o 758 (2001).
Cyfeiriadau golygu
- ↑ British Place Names; adalwyd 18 Hydref 2019
- ↑ City Population; adalwyd 18 Hydref 2019
