Eddie Parris

Pêl-droediwr o Gymru oedd John Edward ("Eddie" neu "Ted") Parris (31 Ionawr 1911 – 1971) a chwaraeodd i glybiau Bradford Park Avenue, AFC Bournemouth, Luton Town, Bath City, Northampton Town a Cheltenham Town. Ef oedd y chwaraewr du cyntaf i gynrychioli Cymru.

Eddie Parris
Ganwyd	31 Ionawr 1911  Pwllmeurig
Bu farw	27 Chwefror 1971  Caerloyw
Dinasyddiaeth	Cymru
Galwedigaeth	pêl-droediwr
Chwaraeon
Tîm/au	Bath City F.C., A.F.C. Bournemouth, Cheltenham Town F.C., Luton Town F.C., Northampton Town F.C.
Safle	canolwr
Gwlad chwaraeon	Cymru

Bywyd

Ganwyd Eddie Parris ym Mhwllmeurig, Casgwent, Sir Fynwy, Cymru, i fam wyn a du Jamaicaidd, a'r ddau ohonynt wedi'u geni yng Nghanada. Chwaraeodd dros Gasgwent tan i'w ddoniau dynnu sylw sgowtiaid Bradford Park Avenue A.F.C., a oedd bryd hynny yn glwb llewyrchus, ac fe gafodd ei arwyddo ar brawf yn 1928. Chwaraeodd ei gem gyntaf yn Ionawr 1929, a sgorio unig gol Bradford mewn gem gyfartal gyda Hull yng Nghwpan Lloegr. Cafodd le yn y tîm cyntaf wedi hynny, a byddai'n chwarae ar yr asgell chwith. Yn ystod ei yrfa yn Bradford Park Avenue, chwaraeodd 142 o gemau Cynghrair a Chwpan a sgoriodd 39 gol.

Yn Rhagfyr 1931 chwaraeodd Parris ei unig gem dros Wales yn erbyn Iwerddon yn Belffast, a dod yn y chwaraewr du cyntaf i gynrychioli Cymru mewn gem ryngwladol. 

Fel hyn y disgrifiodd y Daily Mail ef yn 1932: 'Mae Parris yn gyflym, a chanddo reolaeth o'r bel, ac nid ychydig o athrylith pel-droed.'

Dioddefodd Parris anaf yn 1934, a chwaraeodd yn ddiweddarach i Bournemouth (1934–37), Luton, Northampton, Bath City, Cheltenham Town a Gloucester City. Gweithiodd ar ol hynny mewn ffatri ffrwydron rhyfel a ffatri awyrennau. Roedd yn byw yn Sedbury ger Casgwent, a bu farw yn Swydd Gaerloyw, Lloegr, yn 1971.