Egerton Phillimore
Roedd Egerton Grenville Bagot Phillimore (20 Rhagfyr 1856 – 5 Mehefin 1937) yn Sais oedd yn ymddiddori yn hynafiaethau, llenyddiaeth, iaith a hanes Cymru.[1]
| Egerton Phillimore | |
|---|---|
 | |
| Ganwyd | 20 Rhagfyr 1856  Belgravia |
| Bu farw | 5 Mehefin 1937, 3 Mehefin 1937 Corris |
| Dinasyddiaeth |  Lloegr |
| Galwedigaeth | golygydd |
| Tad | John George Phillimore |
| Mam | Rosalind Margaret Knight-Bruce |
| Priod | (1) Susan Eliza Roscow (2) Marion Owen |
| Plant | merch anhysbys Phillimore, merch anhysbys Phillimore, John George Phillimore, Rosalind Margaret Phillimore |
Bywyd cynnar
golyguGanwyd Phillimore yn 21 Chester Square, Belgravia, Llundain, ar 20 Rhagfyr 1856, yn unig fab i John George Phillimore QC a Rosalind Margaret, (née Knight-Bruce). Yn amddifad wedi marwolaeth ei fam ym 1871, cymerwyd ef i ofal ei ewythr Syr Robert Joseph Phillimore. Aeth i Ysgol Westminster yn Llundain. Enillodd gradd BA o Eglwys Crist, Rhydychen ym 1879 ac MA ym 1883. Galwyd ef i'r bar yn y Deml Ganol ym 1877.
Gyrfa
golyguTra yn Rhydychen, cyfarfu Phillimore â John Rhŷs, Whitley Stokes ac eraill a ysgogodd ei ddiddordeb yn niwylliant Cymru. Dysgodd yr iaith a chasglodd lyfrau a llawysgrifau Cymraeg. Datblygodd Phillimore ei ddiddordeb yn yr iaith Gymraeg gan gynhyrchu erthyglau ar gyfer Bye-gones, Archaeologia Cambrensis a'r Cymmrodor, y cyfeirir atynt yn eang fel rhai sy'n darparu arweiniad ar ystyron geiriau ac enwau. Bu'n olygydd y Cymmrodor o 1886 i 1891.[2] O 1903 roedd yn byw yng Nghorris. Ysgrifennodd erthygl ar eiriau Cymraeg anniwair ar gyfer cyfnodolyn Almaeneg, Kryptadia, a gyhoeddwyd ym 1884. Mae papurau Phillimore, gan gynnwys rhywfaint o farddoniaeth o'i gyfansoddiad ei hun ynghyd â chyfieithiadau o weithiau yn y Gymraeg, Lladin, Ffrangeg, Almaeneg a Groeg, yn cael eu cadw yn y Llyfrgell Genedlaethol.[3]
Teulu
golyguBu Phillimore yn briod ddwywaith. Ei wraig gyntaf oedd i Susan Elsie Roscow ym 1880 bu iddynt un mab a thair merch. Bu farw Susan Roscow ym 1893, ac wedi hynny priododd Phillimore â Marion Owen ym 1897.
Cyfeiriadau
golygu- ↑ Who's Who in wales 1933, Llundain; A G Reynolds & Co tud.179
- ↑ 1889-1891 The Red dragon the national magazine of Wales, Vol. IX No. 1 January 1886 tud 88
- ↑ Charles, B. G., (1953). PHILLIMORE, EGERTON GRENVILLE BAGOT (1856 - 1937), ysgolhaig. Y Bywgraffiadur Cymreig Adferwyd 29 Gor 2019