Elisabeth Dmitrieff
Ffeminist o Rwsia oedd Elisabeth Dmitrieff (ganwyd 1 Tachwedd 1851) sy'n cael ei hystyried yn nodigedig am ei gwaith fel gwleidydd a communard.
| Elisabeth Dmitrieff | |
|---|---|
 | |
| Ganwyd | 1 Tachwedd 1851  Raïon de Toropets |
| Bu farw | 1910s, 1919 Moscfa |
| Man preswyl | Paris |
| Dinasyddiaeth |  Rwsia |
| Galwedigaeth | communard, ymgyrchydd dros hawliau merched |
| Tad | Luka Kushelev |
| Mam | Nataliya-Karolina Kusheleva |
| Priod | Q105994751, Ivan Davidovski |
| Llinach | House of Kushelev |
Ganed Elizabeta Luknichna Kusheleva (Rwsieg: Елизавета Лукинична Томановская (née Кушелева)) yn Raïon de Toropets a leolir heddiw yn Toropetsky, Tver Oblast ar 1 Tachwedd 1851 a bu farw yn Moscfa. Roedd yn aelod o'r hyn a elwir yn "Gymuned Paris 1871" (neu'r Commune). Ar 11 Ebrill 1871, cyd-sefydlodd Undeb y Merched, gyda Nathalie Lemel, mewn caffi ar Stryd y Deml.[1]
Roedd Elisabeth Dmitrieff yn ferch i un o swyddogion y Tsar.[2] Bu'n yn weithgar yn ei hieuenctid yng nghylchoedd Sosialaidd St Petersburg, ail ddinas fwyaf Rwsia. Yn 1868, teithiodd i'r Swistir, a chyd-sefydlodd adran Rwsia o'r First International (1864–1876), sef mudiad a geisiai uno holl fudiadau sosialaidd y byd, gan gytnnwys pleidiau, undebau a charfannau milwriaethus.[2] Fe'i danfonwyd i Lundain, ac yno, cyfarfu â Karl Marx, a'i hanfonodd ym mis Mawrth 1871, 20 oed, i gwmpasu digwyddiadau'r Commune.
Cyn hir a hwyr, daeth Dmitrieff yn gyfranogwr yn y digwyddiadau hyn, gan sefydlu gyda Nathalie Lemel, "Undeb y Merched dros Amddiffyn Paris" a Care of the Wounded ar 11 Ebrill 1871. Ymroddodd yn arbennig i gwestiynau gwleidyddol a threfnu gweithdai cydweithredol.
Cyfrannodd Elisabeth Dmitrieff at y papur newydd Sosialaidd La Cause du peuple. Ar ôl brwydro ar y barricades yn ystod "Wythnos y Gwaed", ffodd i Rwsia. Ar ôl cyrraedd ei gwlad enedigol, priododd ddyn a gafodd ei ddyfarnu'n euog o dwyll yn ddiweddarach ac yn 1878 dilynodd ef mewn alltudiaeth yn Siberia, lle bu'n byw tan 1902.
Gwaddol
golyguAr 27 Mawrth 2006 penderfynodd cyngor lleol y 3ydd Arrondissement ym Mharis i roi ei henw i sgwâr baychan, rhwng y Rue du Temple a'r Rue de Turbigo, yn agos at y Place de la République. Ailenwyd Sgwâr Elisabeth Dmitrieff ar 8 Mawrth 2007, sef Diwrnod Rhyngwladol y Menywod, ynghyd â'r sgwariau sy'n coffáu Nathalie Lemel a Renée Vivien (yn yr un arrondissement).
Aelodaeth
golyguBu'n aelod o Gymdeithas Ryngwladol y Gweithwyr, Undeb Menywod Amddiffyn Paris a Gofalu am y Clwyfedig am rai blynyddoedd.
Anrhydeddau
golygu
Cyfeiriadau
golygu- ↑ Disgrifiwyd yn: https://www.agspak-buecher.de/G-Notz-Hg-Wegbereiterinnen-Beruehmte-und-zu-Unrecht-vergessene-Frauen-aus-der-Geschichte. dyddiad cyrchiad: 3 Ionawr 2024.
- ↑ 2.0 2.1 François Bodinaux, Dominique Plasman, Michèle Ribourdouille. "On les disait 'pétroleuses'..." (Ffrangeg) (archive) (PDF version)