Emyr Jones Parry

Diplomydd o Gymru yw Syr Emyr Jones Parry (ganwyd 21 Medi 1947). Roedd yn Gynrychiolydd y Deyrnas Unedig i NATO o 2001 hyd 2003, a Chynrychiolydd y DU i'r Cenhedloedd Unedig o 2003 hyd 2007. Penodwyd yn gadeirydd Confensiwn Cymru Gyfan yn 2007, ac ers 2008 ef yw Llywydd Prifysgol Aberystwyth.

Emyr Jones Parry
Ganwyd	21 Medi 1947  Sir Gaerfyrddin
Dinasyddiaeth	Cymru
Addysg	Doethur mewn Athrawiaeth
Alma mater	Prifysgol Caerdydd Coleg y Santes Catrin
Galwedigaeth	diplomydd
Swydd	Permanent Representative of the United Kingdom to NATO, Cynrychiolydd Parhaol y Deyrnas Unedig i'r Cenhedloedd Unedig, Efrog Newydd
Cyflogwr	Y Swyddfa Dramor a Chymanwlad
Gwobr/au	Marchog Croes Fawr Urdd San Fihangel a San Siôr, Cymrawd Cymdeithas Ddysgedig Cymru, Cymrawd y Sefydliad Ffiseg

Fe'i addysgwyd yn Ysgol y Gwendraeth cyn iddo astudio ffiseg ym Mhrifysgol Caerdydd; yno bu'n llywydd Undeb y Myfyrwyr cyn iddo dderbyn gradd PhD am waith ar bolymerau yng Ngholeg y Santes Catrin, Caergrawnt.

Mae Parry'n briod â Lynn ac mae ganddyn nhw ddau o fechgyn: Mark a Paul. Mae'n aelod brwd o Glwb Criced Morgannwg a Chlwb Pêl-droed Dinas Abertawe.

Cyfeiriadau

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.