Ffynnon Trevi
Ffynnon fawr a hanesyddol yn Rhufain, Yr Eidal, yw Ffynnon Trevi (Eidaleg: Fontana di Trevi). Mae hi'n 25.9 medr o uchder a 19.8 medr o led, a hi yw'r ffynnon Baroc fwyaf yn y ddinas. Saif ar groesffordd tair ffordd (tre vie).
 | |
| Math | cerflun, atyniad twristaidd, ffynnon  |
|---|---|
| Sefydlwyd |
|
| Daearyddiaeth | |
| Lleoliad | Piazza di Trevi |
| Sir | Trevi, Municipio I |
| Gwlad | yr Eidal |
| Cyfesurynnau | 41.9009°N 12.4832°E |
 | |
| Arddull pensaernïol | pensaernïaeth Faróc |
| Deunydd | trafertin Rhufain, marmor Carrara |
Yn y 15g adferwyd hen arfer Rhufeinig o osod ffynnon ar ddiwedd bob 'traphont' hir i'r ddinas. Yn y Canol Oesoedd roedd y Rhufeinwyr yn tynnu dwr o ffynhonau dwfn llygredig. Felly yn 1453, adeiladwyd y Ffynnon Trevi wreiddiol gan Pab Nicolas V wedi i'r Rhufeinwyr trwsio'r draphont Acqua Vergine.
Yn 1629 comisiynodd Pab Urbanus VIII Gian Lorenzo Bernini i greu ffynnon fwy trawiadol i wynebu'r Palas Quirinal. Er gwychder cynllun Bernini, ffynnon gan Nicola Salvi sy'n sefyll yno heddiw. Comisiynwyd hyn yn 1730 gan y Pab Clement XII.
Erbyn heddiw mae miloedd o dwristiaid yn taflu arian i mewn i'r ffynnon bob dydd (tua tair mil ewro y dydd) yn y gred bod hynny'n sicrhau bydd rhywun yn dychwelyd eto i Rufain. Mae'r grisiau o gwmpas y Ffynnon yn lle boblogaidd i eistedd drwy'r flwyddyn ac edmygu'r celfyddwaith.
Tu ôl i'r ffynnon mae'r Palazzo Poli, ac mae cerflun trawiadol o'r duw Triton hefyd.
Cyfeiriadau
golygu- John A. The Trevi Fountain, New Haven, Yale University Press 1986
- Romanbookshelf.com
- Italyguides.it
- Aquae Urbis Romae: the Waters of the City of Rome Archifwyd 2007-04-23 yn y Peiriant Wayback, Katherine W. Rinne