Foras na Gaeilge

Foras na Gaeilge
Enghraifft o:	asiantaeth lywodraethol, rheoleiddiwr iaith
Dechrau/Sefydlu	2 Rhagfyr 1999
Pencadlys	Dulyn, Belffast
Enw brodorol	Foras na Gaeilge
Gwladwriaeth	Gweriniaeth Iwerddon, Gogledd Iwerddon
Rhanbarth	Dulyn
Gwefan	http://www.gaeilge.ie
	Ffeiliau perthnasol ar Gomin Wicimedia

Mae Foras na Gaeilge ("Sefydliad y Wyddeleg") yn gorff statudol sy'n gofalu am yr iaith Wyddeleg ac yn ei hyrwyddo yn y ddwy uned wleidyddol yn Iwerddon, sef 26 sir Gweriniaeth Iwerddon a chwe sir Gogledd Iwerddon. Mae'n un o'r cyrff traws-ffiniol a sefydlwyd yn sgîl Cytundeb Gwener y Groglith. Fe'i sefydlwyd ar yr 2 Rhagfyr 1999, ac yn y 26 sir fe gymerodd drosodd swyddogaeth y cyrff Bord na Gaeilge, An Gúm, ac An Coiste Téarmaíochta, oedd yn gyrff statudol yn y Weriniaeth.

Swyddogaethau

Hyrwyddo'r Wyddeleg;
Hwyluso ac annog defnydd llafar ac ysgrifennu mewn bywyd cyhoeddus a phreifat yng Ngweriniaeth Iwerddon ac, yng nghyd-destun Rhan III o'r Siarter Ewropeaidd ar gyfer Ieithoedd Rhanbarthol neu Leiafrifol, yng Ngogledd Iwerddon lle mae galw priodol;
Cynghori gweinyddiaethau, cyrff cyhoeddus a grwpiau eraill yn y sectorau preifat a gwirfoddol;
Ymgymryd â phrosiectau cefnogol, a chyrff a grwpiau cymorth grant yn ôl yr angen;
Ymgymryd ag ymchwil, ymgyrchoedd hyrwyddo, a chysylltiadau cyhoeddus a chyfryngau;
Datblygu terminoleg a geiriaduron;
Cefnogi addysg cyfrwng Gwyddeleg a dysgu Gwyddeleg.

Canolfannau

Sefydlir sawl Áras na Gaeilge ("Llety/Adeilad y Wyddeleg") gan Foras na Gaeilge fel canolfan ar gyfer gweithgarwch dros yr iaith ar draws tiriogaeth Iwerddon. Yn y Áras na Gaeilge yn Nulyn lleolir gorsaf radio gymunedol Wyddeleg ar gyfer y ddinas, sef, Raidió na Life.

Glór na nGael

Mae Foras hefyd yn ariannu Glór na nGael corff a sefydlwyd yn 1961 ac sy'n gweithio i hyrwyddo'r iaith o fewn y teulu, chwaraeon a'r gymuned.

Dolenni allanol

Gwefan swyddogol
Foras na Gaeilge sianel Youtube y corff

Eginyn erthygl sydd uchod am Iwerddon. Gallwch helpu Wicipedia drwy ychwanegu ato.