Friedrich Schlegel

Ysgolhaig, beirniad llenyddol, ieithegwr, ac ysgrifwr Almaenig oedd Karl Wilhelm Friedrich Schlegel (10 Mawrth 1772 – 12 Ionawr 1829).

Friedrich Schlegel
Portread o Friedrich Schlegel gan Franz Gareis (1801).
Ganwyd	10 Mawrth 1772  Hannover
Bu farw	12 Ionawr 1829, 11 Ionawr 1829  Dresden
Dinasyddiaeth	Teyrnas Hannover, Etholaeth Hannover
Alma mater	Prifysgol Georg August Göttingen
Galwedigaeth	athronydd, cyfieithydd, llenor, nofelydd, beirniad llenyddol, academydd, bardd, golygydd, hanesydd, damcaniaethwr llenyddol, damcaniaethwr celf, hanesydd celf
Cyflogwr	Prifysgol Cologne TU Dresden Prifysgol Friedrich Schiller Jena
Arddull	traethawd
Mudiad	Rhamantiaeth, German Romanticism, Romantic literature
Tad	Johann Adolf Schlegel
Priod	Dorothea von Schlegel, Dorothea von Schlegel
Gwobr/au	Urdd Goruchaf Crist

Ganed ef yn Hannover, Etholyddiaeth Hannover, a oedd yn rhan o'r Ymerodraeth Lân Rufeinig. Astudiodd y gyfraith a'r clasuron yn Göttingen a Leipzig. Mae ei weithiau creadigol cynnar yn cynnwys y nofel grasboeth Lucinde (1799) a'r drasiedi Alarcos (1802).

Gyda'i frawd hŷn August Wilhelm Schlegel golygydd y cyfnodolyn Das Athenäum (1798–1800), a fu'n cyhoeddi gwaith Novalis ac eraill. Bu ysgrifau a mân-feirniadaeth Friedrich Schlegel yn Das Athenäum yn ei osod ar flaen y gad yn y mudiad Rhamantaidd Almaenig.

Mae Friedrich Schlegel yn nodedig am ei astudiaethau o hanes llenyddol, yn enwedig Geschichte der alten un neuen Literatur (1815), a'i waith ar yr iaith Sansgrit a'i barddoniaeth, Sprache und Weisheit der Inder (1808), a fu'n gyfraniad cynnar pwysig i astudiaethau Dwyreiniol yn Ewrop.

Bu farw Friedrich Schlegel yn Dresden, Teyrnas Sachsen, yn 56 oed.