Gary Speed

Rheolwr a phêl-droediwr Cymreig yn chwarae yng nghanol y cae oedd Gary Andrew Speed (8 Medi 1969 – 27 Tachwedd 2011). Bu'n gapten tîm pêl-droed cenedlaethol Cymru hyd nes iddo ymddeol o'r gêm ryngwladol yn 2004.

Gary Speed

Manylion Personol
Enw llawn	Gary Andrew Speed
Dyddiad geni	8 Medi 1969(1969-09-08)
Man geni	Mancot, Sir y Fflint,  Cymru
Dyddiad marw	27 Tachwedd 2011(2011-11-27) (42 oed)
Lle marw	Huntington, Swydd Gaer, Gogledd-orllewin Lloegr,  Lloegr
Taldra	1m 80cm
Clybiau
Blwyddyn	Clwb	Ymdd.* (Goliau)
1988-1996 1996-1998 1998-2004 2004-2008 2008-2010	Leeds United Everton Newcastle United Bolton Wanderers Sheffield United Cyfanswm	248 (39) 58 (15) 213 (29) 121 (14) 37 (6) 677 (103)
Tîm Cenedlaethol
1990-2004	Cymru	85 (7)
Clybiau a reolwyd
2010 2010-2011	Sheffield United Cymru
1Ymddangosiadau a goliau mewn clybiau hŷn a gyfrodd tuag at y gyngrhair cartref yn unig . * Ymddangosiadau

Ganed ef ym mhentref Mancot, Sir y Fflint, ac addysgwyd ef yn Ysgol Uwchradd Penarlâg. Dechreuodd ei yrfa fel pêl-droediwr gyda Leeds United, yna symudodd i Everton ym 1996 am £5.5 miliwn. Daeth yn gapten Everton, ond symudodd i Newcastle United ym 1998. Symudodd eto i Bolton Wanderers a Sheffield United yn 2008. Penodwyd ef yn rheolwr Sheffield United ym mis Awst 2010 hyd Rhagfyr 2010. Ef oedd Prif Hyfforddwr Tîm Cenedlaethol Cymru o Ragfyr 2010 tan ei farwolaeth.

Bu farw Speed yn ei gartref ym mhentref Huntington, Swydd Gaer, Gogledd-orllewin Lloegr. Ar ddiwrnod ei farwolaeth, mynegodd cyfeillion a chydchwaraewyr iddo eu cydymdeimlad, ac yn eu plith: Robbie Savage, Ryan Giggs, Simon Grayson, Alan Shearer a John Hartson. Cynhaliwyd munud o dawelwch yn y gêm bêl-droed rhwng C.P.D. Abertawe ac Aston Villa F.C. ac fel arwydd o barch tuag ato, dechreuodd y dorf gymeradwyo.

Rhagflaenydd: Kevin Blackwell	Rheolwr Sheffield United F.C. Awst 2010 – Rhagfyr 2010	Olynydd: Micky Adams
Rhagflaenydd: John Toshack	Prif Hyfforddwr Cymru Rhagfyr 2010 – Tachwedd 2011	Olynydd: Chris Coleman