Marchnad Qissariya
Mae'r Farchnad Aur (Arabeg: سوق الذهب; Souk ad-Dahab) ; a elwir hefyd yn Farchnad Qissariya, (Arabeg: سوق القيسارية ) yn llwybr gul gyda tho (hy wedi'i gorchuddio) yn Hen Ddinas Gaza, yng Ngwladwriaeth Palesteina.
 | |
| Math | marketplace, covered passageway  |
|---|---|
| Sefydlwyd |
|
| Daearyddiaeth | |
| Sir | Dinas Gaza |
| Gwlad |  Palesteina |
| Yn ffinio gyda | Omar Mukhtar Street |
| Cyfesurynnau | 31.5031°N 34.4639°E |
 | |
Mae'r Farchnad Aur yn ganolfan bwysig ar gyfer masnachu a phrynu aur, ac ar gyfer cyfnewid tramor.[1] Saif y Farchnad ar hyd ymyl ddeheuol Mosg Mawr Gaza,[2] wrth ymyl prif Stryd Omar Mukhtar. Coronir y farchnad gan do pigfain a chromennog, sydd wedi'i leinio ar y ddwy ochr gan siopau bach, gyda phob siop hefyd wedi'u toi'n dwt.
Hanes golygu
Yn 1476, gorchmynnodd barnwr Gaza, sef Sheikh Shams ad-Din al-Himsi adeiladu'r Farchnad Aur, dan reolaeth y Mamluk ym Mhalestina. Yn wreiddiol, roedd y Farchnad yn rhan o farchnad dan do lawer mwy, ond dinistriwyd y rhan fwyaf o'r ardal gan Fyddin Lloegr yn y 1940au.[2]
Trwy gydol y rhan fwyaf o'r 20g a'r 21g, prif ymwelwyr y farchnad yw dynion a menywod ar fin priodi, cwsmeriaid sy'n dewis gemwaith aur; yma hefyd y daw mamau-yng-nghyfraith i brynu anrhegion i'w merched-yng-nghyfraith. Fodd bynnag, oherwydd prinder bwyd, trydan a hanfodion bywyd yn Gaza oherwydd rhwystr Israel yn Llain Gaza, mae'r Farchnad Aur yn cael ei defnyddio'n bennaf gan pobl oedrannus Gaza sy'n gwerthu gemau a thlysau'r teulu i godi arian i brynu bwyd.[2]
Cyfeiriadau golygu
- ↑ Jacobs, 1998, p.454.
- ↑ 2.0 2.1 2.2 Gold Market Review Archifwyd 2014-03-15 yn y Peiriant Wayback. Lonelyplanet.
Llyfryddiaeth golygu
- Jacobs, Daniel (1998), Israel and the Palestinian territories, Rough Guides, ISBN 978-1-85828-248-0, https://books.google.com/books?id=JXoY2vCZ5AEC&pg=RA5-PA453&dq=Omar+Mukhtar+Street+Gaza