Gorsaf reilffordd Llandyssul

Gorsaf reilffordd ger pentref Llandysul, Ceredigion, Cymru, oedd Gorsaf Reilffordd Llandyssul (Llandyssil gynt). Safai ar lein Dyffryn Teifi a oedd yn perthyn i Reilffordd Caerfyrddin ac Aberteifi.

Gorsaf reilffordd Llandyssul

Math	cyn orsaf reilffordd
Agoriad swyddogol	1864
Daearyddiaeth
Sir	Llandysul
Gwlad	Cymru
Cyfesurynnau	52.0354°N 4.3174°W
Nifer y platfformau	2
Ffeiliau perthnasol ar Comin

Hanes

Lluniwyd Rheilffordd Dyffryn Teifi rhwng Caerfyrddin ac Aberteifi yn wreiddiol fel rheilffordd lydan (lled llydan 7 tr 0 ¹⁄₄ modf (2,140 mm)). Agorwyd y lein dros dro ym 1860, o dan Reilffordd De Cymru ac fe’i hagorwyd yn llawn y flwyddyn ganlynol. Roedd yn cael ei weithredu gan Reilffordd Caerfyrddin ac Aberteifi rhwng Caerfyrddin a Chynwyl Elfed. Ym 1864 estynnwyd y llinell i Bencader a Llandysul .

Cafodd y lein ei drawsnewid i'r lled safonol (4 tr 8 ¹⁄₂ modf (1,435 mm)) erbyn 1872. Fodd bynnag, roedd y cwmni'n fethdalwr. Prynwyd y lein gan y Great Western Railway a'i hymestyn i derfynfa yng Nghastellnewydd Emlyn ym 1895,

Er i wasanaethau teithwyr ddod i ben ym 1952, parhaodd gwasanaethau nwyddau tan 1973 oherwydd y gwasanaethau trên llaeth i hufenfa'r Co-operative Group yng Nghastellnewydd Emlyn.

Mae'r orsaf wedi'i dinistrio wrth adeiladu ffordd osgoi. Roedd gan yr hen orsaf dŷ meistr gorsaf, corlannau gwartheg, sied nwyddau mawr, peiriant pwyso, blwch signal, ac ati.

Tŷ'r hen orsaffeistr yn edrych dros y ffordd osgoi a adeiladwyd ar gwrs yr hen reilffordd

Llenyddiaeth

• R.V.J. Butt, The Directory of Railway Stations (Yeovil: Patrick Stephens, 1995)
• John S. Holden Holden, The Manchester & Milford Railway (Oakwood Press, 2007)

Dolenni allanol

• (Saesneg) "Site Record: Llandyssul Station", Gwefan Disused Stations
• Ffoto Gorsaf Llandyssul, Casgliad y Werin Cymru