John Edward Daniel

Diwinydd a darlithiwr Cymreig oedd John Edward Daniel neu J. E. Daniel (26 Mehefin 1902 - 11 Chwefror 1962). Roedd yn un o aelodau cynnar Plaid Cymru a bu'n gadeirydd y blaid am gyfnod.

John Edward Daniel
Llun o J E Daniel gan ei fab, John Illtud Daniel
Ganwyd	26 Mehefin 1902  Bangor
Bu farw	11 Chwefror 1962
Alma mater	Coleg yr Iesu, Rhydychen Ysgol Friars, Bangor
Galwedigaeth	darlithydd

Ganed Daniel ym Mangor ac addysgwyd ef yn Ysgol Friars cyn mynd i Goleg yr Iesu, Rhydychen lle graddiodd yn y Literae Humaniores yn 1923 ac mewn Diwinyddiaeth yn 1925. Daeth yn Gymrawd o Goleg Bala-Bangor, gan ddod yn Athro yno ar 28 Gorffennaf 1926 yn dilyn marwolaeth Dr Thomas Rees. Ymhlith ei fyfyrwyr yno roedd R. Tudur Jones.

Safodd bedair gwaith fel ymgeisydd seneddol dros Blaid Cymru. Bu'n is-gadeirydd rhwng 1931 a 1935, ac olynodd Saunders Lewis fel cadeirydd yn 1939, swydd a ddaliodd hyd Awst 1943. Yn 1946 apwyntiwyd ef yn arolygydd ysgolion. Bu farw o ganlyniad i ddamwain ffordd ger Helygain, Sir Fflint.

Bedd J E a Catherine Daniel ym Mynwent Newydd Bangor

Llyfrau

• Dysgeidiaeth yr Apostol Paul (1933)