Jerry Hunter

Academydd a llenor Americanaidd yw Dr Jerry Hunter (ganwyd 1965), sy'n dod yn wreiddiol o Cincinnati, Ohio. Pan oedd yn astudio Saesneg ym Mhrifysgol Cincinnati cyflwynwyd llenyddiaeth Gymraeg iddo. Daeth i Gymru ac i Lanbedr Pont Steffan i ddysgu Cymraeg ar gwrs dwys, ac wedyn i Aberystwyth i ddilyn MPhil yn y Gymraeg.

Jerry Hunter
Ganwyd	13 Ionawr 1965
Dinasyddiaeth	Cymru  Unol Daleithiau America
Alma mater	Prifysgol Harvard Prifysgol Cincinnati
Galwedigaeth	llenor
Cyflogwr	Prifysgol Bangor
Priod	Judith Humphreys
Plant	Megan Angharad Hunter
Gwobr/au	Cymrawd Cymdeithas Ddysgedig Cymru

Aeth yn ôl i Cincinnati a bu yn athro yno, yn gweithio ar fferm ei dad ac yn weithiwr cyflogedig i Greenpeace. Cafodd ddoethuriaeth o Brifysgol Harvard ar ôl astudio Ieithoedd a Llenyddiaethau Celtaidd. Wedyn bu yn ddarlithydd yn Harvard am ychydig cyn dod nôl i Gymru.

Mae wedi dal swyddi academaidd ym Mhrifysgol Caerdydd a Phrifysgol Bangor. Mae'n un o'r aelodau a sefydlodd grŵp Cymuned.

Enwyd ei lyfr Soffestri’r Saeson (2000) ar restr fer Llyfr y Flwyddyn yn 2001. Enillodd ei lyfr Llwch Cenhedloedd y wobr yn 2004. Enillodd y nofel Gwenddydd y Fedal Ryddiaith yn yr Eisteddfod Genedlaethol yn 2010.

Llyfryddiaeth

Soffestri'r Saeson gan Jerry Hunter; Tachwedd 2000

Cymraeg

• Soffestri’r Saeson (Gwasg Prifysgol Cymru, 2000)
• Llwch Cenhedloedd (Gwasg Carreg Gwalch, 2003)
• I Ddeffro Ysbryd y Wlad: Robert Everett a’r Ymgyrch yn erbyn Caethwasanaeth Americanaidd (Gwasg Carreg Gwalch, 2007)
• Ceffylau'r Cymylau (Gwasg Gomer, 2010)
• Gwenddydd (Gwasg Gwynedd, 2010)
• Llwybrau Cenhedloedd (Gwasg Prifysgol Cymru, 2012)
• Gwreiddyn Chwerw (Gwasg Gwynedd, 2012)
• Ebargofiant (Y Lolfa, 2014)
• Y Fro Dywyll (Y Lolfa, 2014)
• Ynys Fadog (Y Lolfa, 2018)

Saesneg

• Welsh Writing from the American Civil War (Gwasg Prifysgol Cymru, 2007)
• Dark Territory (Y Lolfa, 2018)

Cyfeiriadau

Eginyn erthygl sydd uchod am un o Unol Daleithiau America. Gallwch helpu Wicipedia drwy ychwanegu ato.

Eginyn erthygl sydd uchod am Gymro neu Gymraes. Gallwch helpu Wicipedia drwy ychwanegu ato.