Joe Brown
Dringwr a mynyddwr o Sais oedd Joe Brown (26 Medi 1930 – 15 Ebrill 2020).[1] Ganed ef yn Ardwick, Manceinion, a daeth i amlygrwydd fel dringwr yn y 1950au, ym aml yng nghwmni Don Whillans.
| Joe Brown | |
|---|---|
 | |
| Ganwyd | 26 Medi 1930  Manceinion |
| Bu farw | 15 Ebrill 2020 Llanberis |
| Dinasyddiaeth | y Deyrnas Unedig |
| Galwedigaeth | dringwr mynyddoedd, dringwr |
| Gwobr/au | CBE |
| Chwaraeon | |
Bu'n dringo llawer yn Eryri, yn enwedig ar glogwyni Bwlch Llanberis, yn cynnwys Dinas y Gromlech, a Chlogwyn Du'r Arddu, lle arloesodd nifer o lwybrau enwog. Bu hefyd yn dringo yn yr Alpau a'r Himalaya; yn 1955 ef a George Band oedd y cyntaf i ddringo Kangchenjunga. Yn 1956 dringodd ef ac Ian McNaught-Davis gopa gorllewinol Tŵr Mustagh yn y Karakoram am y tro cyntaf.
Yn 1966 symudodd ef a'i wraig, Val, i bentref Llanberis ac agor siop offer mynydda yno. Ddeng mlynedd yn ddiweddarch, agorodd siop arall yng Nghapel Curig.
Bu farw yn ei gartref yn Llanberis yn 89 oed, wedi salwch.
Llyfryddiaeth
golygu- Joe Brown, The Hard Years (1967).
Cyfeiriadau
golygu- ↑ Climbing legend Joe Brown has died (en) , Daily Post, 16 Ebrill 2020.