Agor y brif ddewislen

Dylunydd ffasiwn o Gymro yw Julien Macdonald OBE (ganwyd 19 Mawrth 1971 ym Merthyr Tudful).

Julien Macdonald
Julien Macdonald Portrait.jpg
Ganwyd 19 Mawrth 1971 Edit this on Wikidata
Merthyr Tudful Edit this on Wikidata
Man preswyl Llundain Edit this on Wikidata
Dinasyddiaeth Baner Cymru Cymru
Alma mater
  • Y Coleg Celf Brenhinol
  • Prifysgol Brighton Edit this on Wikidata
Galwedigaeth dylunydd ffasiwn Edit this on Wikidata

Cynnwys

BywgraffiadGolygu

Ganwyd Macdonald ym Merthyr Tudful a mynychodd Ysgol Cyfarthfa. Dysgodd ei fam ef sut i weu a chododd ei ddiddordeb mewn dylunio yn fuan wedyn. Roedd diddordeb ganddo mewn gyrfa fel dawnsiwr, ond astudiodd MA tecstiliau yng Ngholeg Brenhinol Arlunio, Brighton, yn lle hynny. Yn fuan ar ôl graddio, cafodd ei recriwtio i weithio gyda Karl Lagerfeld ar gyfer Chanel. Gweithiodd yn llawrydd hefyd yn creu gwisg wedi ei gweu ar gyfer Alexander McQueen ac Owen Gaster.

Yn 2000, apwyntiwyd ef yn olynydd i Alexander McQueen fel prif ddylunydd Tŷ Haute Couture Paris, Givenchy, ac yn 2001 enwebwyd ef yn Ddylunydd Ffasiwn Prydeinig y Flwyddyn. Caiff ei greadigaethau eu gwisgo gan sêr megis Joely Richardson, Kylie Minogue, Geri Halliwell, Shirley Bassey, Carmen Electra a Naomi Campbell. Dewiswyd ef gan British Airways i ail-ddylunio gwisg eu cynorthwywyr hedfan. Mae'n feirniad ar y fersiwn Brydeinig o'r gyfres deledu Project Runway, sef Project Catwalk, a ddarlledir ar Sky One. Yn Mehefin 2006, gwobrwywyd ef â OBE yn rhestr Anrhydeddau Penblwydd y Frenhines am wasanaethau i'r diwydiant ffasiwn.

Ei ymddygiad dadleuolGolygu

Mae Julien Macdonald wedi denu beirniadaeth hallt am ei ddefnydd helaeth o ffwr anifeiliaid, a thaflwyd blawd ato yng ngwesty'r Hilton ym Mharis un tro.[1] Dywedodd mewn datganiad, mai ffwr oedd yn ennill y rhan fwyaf o'i arian ac y buasai ei label yn methu pe na bai'n ddefnyddio ffwr.[1] Yn Chwefror 2007, cafodd ei feirniadu eto am ddefnyddio ffwr yn ei gasgliad Hydref. Achosodd wylltio pellach wrth ddweud "People who don't like fur can p*ss off. I love fur. It's a beautiful natural product from animals."[2] Caiff yr hetiau couture eu creu gan Prudence Millinery.

Bywyd personolGolygu

Mae Macdonald yn blentyn i Glyn a Joan ac mae ganddo chwiorydd Lesley and Beverley. Bu farw ei dad Glyn yn 81 oed yn Chwefror 2016; trefnwyd wasanaeth iddo ar 1 Mawrth yn Eglwys St Illtyd.[3]

LlyfryddiaethGolygu

  • [1] Erthygl gan yr Independent
  • [2] Erthygl gan y Daily Mail

CyfeiriadauGolygu

Dolenni AllanolGolygu