June Whitfield

Actores o Loegr oedd y Fonesig June Rosemary Whitfield, CBE (11 Tachwedd 1925 – 29 Rhagfyr 2018). Gweithiodd fel actores ar y radio ac mewn cyfresi comedi ar y teledu ers y 1950au.

June Whitfield
Ganwyd	June Rosemary Whitfield  11 Tachwedd 1925  Streatham
Bu farw	28 Rhagfyr 2018  Llundain
Dinasyddiaeth	y Deyrnas Unedig
Alma mater	Royal Academy of Dramatic Art Streatham and Clapham High School
Galwedigaeth	actor, actor llwyfan, actor ffilm, hunangofiannydd
Tad	John Herbert Whitfield
Priod	Timothy John Aitchison
Plant	Suzy Aitchison
Gwobr/au	CBE, Bonesig Cadlywydd Urdd yr Ymerodraeth Brydeinig, OBE

Cafodd ei rôl flaenllaw gyntaf yn y comedi radio Take It From Here, ac arweiniodd hyn at waith ar y teledu, gan gynnwys ymddangosiadau gyda Tony Hancock trwy gydol ei yrfa deledu ef. Ym 1966, chwaraeodd Whitfield ei rôl gyntaf mewn comedi sefyllfa ar gyfer y teledu, yn Beggar My Neighbour a pharhaodd hyn am ddwy flynedd. Serennodd hefyd mewn nifer o'r ffilmiau Carry On.

Ym 1968, dechreuodd June Whitfield a Terry Scott eu partneriaeth hir-hoedlog a gyrhaeddodd uchafbwynt gyda'u rôlau fel gŵr a gwraig yn Happy Ever After (1974–78) a Terry and June (1979–87). O 1992 tan 2003, actiodd Whitfield yng nghomedi sefyllfa Jennifer Saunders Absolutely Fabulous ac roedd yn chwarae cymeriad rheolaidd yn Last of the Summer Wine yn ogystal â chymeriad rheolaidd yn The Green Green Grass.

Yn 89 oed ymddangosodd yn EastEnders fel lleian. Fe'i gwnaed yn Fonesig yn 92 oed, gan dderbyn yr anrhydedd ym Mhalas Buckingham.

Ffilmiau

• The Passing Show (1951)
• The Spy with a Cold Nose (1966)
• The Magnificent Seven Deadly Sins (1971)
• Carry On Girls (1973)
• The Lion, the Witch and the Wardrobe (1979)
• Absolutely Fabulous: The Movie (2016)

Teledu

• The Tony Hancock Show (1956–1957)
• Dixon of Dock Green (1958)
• The Benny Hill Show (1961–1968)
• Steptoe and Son (1964)
• Father, Dear Father (1968)
• The Dick Emery Show (1969–1974)
• The Pallisers (1974)
• Happy Ever After (1974–1979)
• Terry and June (1979–1987)
• Absolutely Fabulous (1992–2012)
• The Last of the Blonde Bombshells (2000)
• The Green Green Grass (2007–2009)
• EastEnders (2015–2016)