Karl Ferdinand Wimar
Roedd Karl Ferdinand Wimar (a elwir hefyd yn Charles Wimar a Carl Wimar, 20 Chwefror 1828 - 28 Tachwedd 1862), yn arlunydd Almaenaidd Americanaidd a oedd yn canolbwyntio ar ddarlunio Brodorion America'r Gorllewin a buchesi mawr o fyfflo.
| Karl Ferdinand Wimar | |
|---|---|
 | |
| Ganwyd | 20 Chwefror 1828  Siegburg |
| Bu farw | 28 Tachwedd 1862 o diciâu St. Louis |
| Dinasyddiaeth |  Yr Almaen  UDA |
| Alma mater |
|
| Galwedigaeth | arlunydd |
Mae'n nodedig am baentiad cynnar o ddigwyddiad cytrefol: ei The Abduction of Boone's Girl by the Indians (1855-56), sy'n bortread darlun o ddigwyddiad ym 1776 pan gafodd Jemima Boone, merch y fforiwr Daniel Boon a dwy ferch arall, eu dal ger Boonesborough, Kentucky wedi ymosodiad gan aelodau o dylwyth y Cherokee-Shawnee.
Bywyd cynnar ac addysg
golyguWedi'i eni yn Siegburg, yr Almaen, ymfudodd Wimar i'r Unol Daleithiau pan oedd yn 15 oed gyda'i deulu. Ymgartrefodd y teulu yn St Louis, Missouri, a denodd ymfudwyr Almaenaidd niferus yn ystod yr ymfudo mawr yn y 19eg ganrif.[1]
Ym 1846 dechreuodd astudio paentio gyda Leon Pomarede. Gyda'i gilydd buont yn teithio i fyny Afon Mississippi. Ym 1852 aeth i Academi Düsseldorf i astudio gydag Emanuel Leutze.[1] Mae'n cael ei gysylltu ag ysgol peintio Düsseldorf.
Gyrfa
golyguDychwelodd Wimar i St Louis ym 1856. Ar yr achlysur hwnnw, peintiodd ddigwyddiad nodedig o'r cyfnod trefedigaethol, The Abduction of Boone's Daughter by the Indians' (1855-1856). Roedd yn un o'i weithiau cyntaf i gael sylw yn yr Unol Daleithiau. Disgrifiodd arddangosfa ddiweddar yn Amgueddfa Amon Carter y peintiad fel un yn dangos pum Indiad a Jemima mewn canŵ, pob un yn meddwl pa bryd fyddai achubwyr yn dod i'w hachub hi.[2]
Peintiodd Wimar themâu bywyd Indiad ar y Plaenau Mawr yn bennaf, gan ddangos helfeydd byfflo ganddynt a gweithgareddau eraill yn gysylltiedig â'u bywydau nomadig. Roedd hefyd yn peintio golygfeydd o drenau wagen yr ymfudwyr a oedd yn mynd â setlwyr cychwynnol ar draws yr eangderau gorllewinol.
Gwnaeth ddwy daith hir ym 1858 a 1859 i fyny Afon Missouri, ac fe'i hysbrydolwyd gan ei brofiadau ac arsylwadau o fywyd Brodorol America. Teithiodd hefyd i fyny'r Mississippi.
Ymhlith gweithiau mwyaf adnabyddus Wimar mae murluniau sydd wedi'u paentio ym 1861 yn Rotwnda Tŷ Llys San Louis. Mae'r adeilad bellach yn rhan o Barc Cenedlaethol Arch Gateway.
Gwaith
golygu-
Cipio Merch Boone -
Dawns y Byfflo -
Byfflo'n yfed -
Ymosodiad ar drên wagen ymfudwyr -
Y Llwybr coll
Dolenni allanol
golygu
- carlwimar.com, "The Charles (Carl) Ferdinand Wimar Research Project"
- fineoldart.com, Bywgraffiad "Carl Wimar"
- Museo Thyssen-Bornemisza Bywgraffiad a gwaith: Karl Ferdinand Wimar
Cyfeiriadau
golygu- ↑ 1.0 1.1 "Wimar, Karl Ferdinand (1828–1862)". Germanheritage.com Archifwyd 2017-09-04 yn y Peiriant Wayback adalwyd 10 Ionawr 2018
- ↑ Arddangosfa yn yr Amon Carter Museum yn Fort Worth, Texas