Cibwts
Cymuned fwriadol gyfunol Israelaidd yw cibwts (weithiau cibẃts; Hebraeg: קיבוץ; lluosog: cibwtsau neu cibwtsim: קיבוצים, "casgliad" neu "ynghyd"). Er bod gwledydd eraill wedi mentro cymundodau tebyg, nid oes 'run ohonynt wedi chwarae rôl mor bwysig o fewn gwlad â chibwtsau Israel. Sefydlwyd y weledigaeth pan sefydlwyd gwladwriaeth Israel yn y 1940au, a pharhaodd hyd heddiw.
 | |
| Enghraifft o'r canlynol | sefydliad  |
|---|---|
| Math | anheddiad dynol, cymuned parod |
| Rhan o | Kibbutz Movement |
| Gwefan | https://www.kibbutz.org.il/ |
 Ffeiliau perthnasol ar Gomin Wicimedia | |
_-_A_woman_working_in_the_orange_grove_of_kibbutz_Na%27an.jpg)
Caiff y rôl o fagu'r plant eu rhannu gan rieni ac oedolion eraill. Yn aml byddai'r plant yn cysgu mewn tŷ plant tra bod y rhieni mewn tŷ arall.[1]
Mae cibwtsau yn arbrawf Israelaidd unigryw, sydd yn cyfuno sosialaeth a Seioniaeth i'r hyn a elwir yn Seioniaeth Lafur, ac yn rhan o un o'r mudiadau cymunedol mwyaf erioed. Sefydlwyd y cibwtsau mewn cyfnod pan nad oedd ffermio annibynnol yn ymarferol. Wedi eu gorfodi gan anghenreidiau i droi at fywyd cymunedol, ac wedi eu hysbrydoli gan ideoleg Iddewig-sosialaidd eu hunain; datblygodd aelodau'r cibwtsau ddull cymunedol a phur o fyw, a ddenodd sylw'r holl fyd. Parhaodd cibwtsau am nifer o genedlaethau fel cymunedau iwtopaidd, ond mae'r rhan fwyaf o gibwtsau heddiw yn debycach i'r trefi cyfalafaidd yr oedd y cibwtsau gwreiddiol yn ceisio bod yn ddewisiadau amgen iddynt.
Mae cibwtsau wedi cyfrannu cyfran anghyfartal o arweinwyr milwrol, deallusion, a gwleidyddion Israel.[2] Er nad yw poblogaeth y mudiad cibwts erioed wedi bod yn uwch na 7% o boblogaeth Israel gyfan, maent wedi gwneud mwy i ffurfio'r ddelwedd sydd gan Israeliaid o'u gwlad, a'r ddelwedd sydd gan dramorwyr o Israel, nag unrhyw sefydliad arall.
Mosiaf golygu
Ceir math arall o ffarm gydweithredol yn Israel, sef y mosiaf (moshav mewn orgraff Saesneg). Mae'r mosiaf yn cynnig mwy o breifatrwydd a hunan-reolaeth i'r uned deuluol neu unigolyn gan adael iddynt ffarmio'r tir ond rannu'r adnoddau a'r dull gwerthu gyda gweddill aelodau'r uned.
Cibwts mewn Diwylliant Gymraeg golygu
Ceir cân ddychan 'Cristion yn y Kibbutz'[3] gan y grŵp Datblygu ar record hir 'The BBC Peel Sessino 1987-1993'[4] Mae'r gân yn dychanu person yr arfer o deithio a gweithio mewn cibwts.
Lawr i Israel er mwyn pigo orenau yr Iddewon
Ti di cymryd blwyddyn allan o cwrs coleg sydd ddim yn mynd i ddim unman
ac wrth gwrs, ti'n addysgu nhw am yr Iesu tra ti'n chwysu
Gweler hefyd golygu
Dolenni golygu
Cyfeiriadau golygu
- ↑ https://www.youtube.com/watch?v=qETXnUQnM0M
- ↑ (Saesneg) Peres, Judy (9 Mai 1998). In 50 years, kibbutz movement has undergone many changes. Chicago Tribune. Adalwyd ar 10 Rhagfyr 2012.
- ↑ https://www.youtube.com/watch?v=eqT_trtvffw
- ↑ https://www.amazon.com/Cristion-Kibbutz-Christian/dp/B07H63TNT6
