Label Libertino

Label recordio cerddoriaeth amgen yw Recordiau Libertino (Saesneg: Libertino Records). Mae'n rhyddhau caneuon gan artistiaid sy'n canu yn y Gymraeg ac yn y Saesneg. Rhyddhawyd y traciau cyntaf yn 2017. Prif Weithredwr y label yw Gruff Owen. Ceir oddeutu 20 o artistiaid ar lyfrau'r label.

Label Libertino

Enghraifft o'r canlynol	label recordio
Dechrau/Sefydlu	2017
Genre	cerddoriaeth boblogaidd, alternative music
Gwefan	https://www.libertinorecords.com/

Adwaith un o brif artistiaid Label Libertino

Natur

Mae Libertino yn gartref hollgynhwysol i artistiaid – darperir asiant archebu/cymorth taith, cysylltiadau cyhoeddus mewnol, rheoli artistiaid yn ogystal â chymorth creadigol. Yn ôl y Prif Weithredwr, Gruff Owen, "Credaf yn gryf y dylai celf fod yn gynhwysol ac nid yn gyfyngedig gan greu cymuned ar lawr gwlad. Nod Libertino yw rhoi llwyfan i artistiaid hedfan ohono a’r wybodaeth am sut i hedfan yn llwyddiannus."

Cyd-weithio gyda Phrifysgol De Cymru

Ym mis Tachwedd 2021 cyhoeddodd Prifysgol De Cymru bartneriaeth diwydiant gyda’r label. Mae'n cynnig mynediad i fyfyrwyr Cerddoriaeth i ddosbarthiadau meistr, briffiau busnes pwrpasol a gwobr i raddedigion am ragoriaeth. Cynorthwyddodd Prif Weithredwr Recordiau Libertino, Gruff Owen, gan ddod â’i brofiad i gwrs MA Ysgrifennu Caneuon a Chynhyrchu y Brifysgol, ar ôl helpu’r label i dyfu’n sylweddol yn y blynyddoedd diwethaf i frolio dros 20 o artistiaid o fri rhyngwladol sy’n creu a pherfformio trwy gyfrwng y Gymraeg a Saesneg.

Artistiaid

Mae'r Libertino yn rhyddhau caneuon nifer o artistiaid pop a roc. Dyma'r rhai sy'n canu yn y Gymraeg (yn 2022):

• Adwaith
• Breichiau Hir
• Chroma
• Los Blancos
• Mêl
• Papur Wal
• Rogue Jones
• Sybs
• Ynys

Ymhlith y bandiau eraill mae:

• N'Famady Kouyaté

Dolenni allanol

• Gwefan swyddogol
• Recordiau Libertino ar SoundCloud