Latium
Latium oedd enw y diriogaeth ar arfordir gorllewinol yr Eidal yn ymestyn o aber Afon Tiber i Benrhyn Circeo. Mae'r ardal yn awr yn rhan o ranbarth Lazio.
Yn yr ardal yma y datblygodd dinas Rhufain, ac iaith y trigolion a ddatblygodd yn Lladin. Efallai fod yr enw yn dod o'r Lladin latus ("llydan"). Am gyfnod bu Latium dan reolaeth yr Etrwsciaid, o ardal gyfagos Etruria. Un o'r dinasoedd hynaf yn Latium oedd Alba Longa, lle sefydlwyd y Cynghrair Lladin yn erbyn yr Etrwsciaid.
