Llangystennin Garth Brenn

Llangystennin Garth Brenn
Math	pentref, plwyf sifil
Ardal weinyddol	Swydd Henffordd; (Awdurdod unedol)
Daearyddiaeth
Sir	Swydd Henffordd; (Sir seremonïol)
Gwlad	Lloegr
Cyfesurynnau	51.8551°N 2.5887°W
Cod SYG	E04000901
Cod OS	SO595175
	Ffeiliau perthnasol ar Comin
	[golygwch ar Wicidata]

Pentref a phlwyf sifil yn Swydd Henffordd, Gorllewin Canolbarth Lloegr, ydy Llangystennin Garth Brenni^[1] (Saesneg: Welsh Bicknor).^[2]^[3] Hyd at 1844 roedd y pentref o fewn Sir Fynwy, Cymru.^[4] Tua dwy filltir i'r gogledd mae tref Rhosan ar Wy a phedair milltir i'r de-orllewin mae Mynwy. Saif y pentref "Welsh Bicknor" ger y ffin â Swydd Gaerloyw, gyferbyn â phentref English Bicknor.

Dywedir i Harri V, brenin Lloegr, fyw pan oedd yn blentyn yn y Maendy lleol, sef Courtfield (hefyd Greyfield a Greenfield), yn dilyn marwolaeth cynamserol ei fam Mary de Bohun, dan ofal yr Arglwyddes Margaret Montacute. Ceir cofeb i Margaret Montacute yn yr eglwys leol.

Perthyn i deulu'r Fychaniaid oedd y tiroedd hyn ar un adeg, a maenordy Courtfield hefyd, a cheir pentref i'r de (dros yr afon) o'r enw English Bicknor ac sydd yn Swydd Gaerloyw. Yn 1651 dygwyd holl diroedd Richard Vaughan (a oedd yn Babydd) gan Goron Lloegr a'u rhoi i Phillip Nicholas o Lan-soe, ym Mynwy.

Parhaodd disgynyddion Richard Vaughan i wrthwynebu'r drefn Saesnig ac yn 1715 gwrthododd John Vaughan dyngu llw o ffyddlondeb i Siôr I, brenin Prydain Fawr.