Llewelyn Lewellin

Clerigwr oedd Llewelyn Lewellin (3 Awst 1798 – 25 Tachwedd 1878).

Llewelyn Lewellin
Ganwyd	3 Awst 1798
Bu farw	25 Tachwedd 1878
Dinasyddiaeth	Cymru
Alma mater	Ysgol Ramadeg y Bont-faen Coleg yr Iesu
Galwedigaeth	clerig, offeiriad

Addysgwyd ef yn ysgol ramadeg y Bont-faen ac yng Ngholeg yr Iesu, Rhydychen; cafodd anrhydedd yn y dosbarth blaenaf yn yr arholiad terfynol yn y Clasuron, a graddio'n B.A. ym 1822, yn M.A. ym 1824, yn B.C.L. ym 1827, ac yn D.C.L. ym 1829. Cafodd urddau diacon ym 1822 ac fe'i gwnaed yn offeiriad ym 1823, ar law esgob Rhydychen. Ym 1826 cafodd gynnig, a derbyniodd, swydd prifathro ysgol ramadeg Bruton yng Ngwlad yr Haf. Ond yn hytrach na mynd yno, aeth, ym 1827, i Goleg Dewi Sant, Llanbedr Pont Steffan fel ei brifathro cyntaf, a bu yno hyd ei farw ar 25 Tachwedd 1878. Bu hefyd yn ficer Llambed o 1843 ymlaen ac yn ddeon Tyddewi o 1843 ymlaen. Fe'i claddwyd yn Llambed.

Ffynhonnell

• Erthygl ar Lewelyn gan Thomas Iorwerth Ellis, in The Dictionary of Welsh Biography, Anrhydeddus Gymdeithas y Cymmrodorion, 1959.