Llyn Alwen
Llyn ar Fynydd Hiraethog yn sir Conwy yw Llyn Alwen. Saif i'r gogledd o'r briffordd A543 ac i'r gogledd-ddwyrain o bentref Pentrefoelas, rhwng bryniau Pen yr Orsedd a Moel Llyn. Mae'n lyn gweddol fawr, gydag arwynebedd o 65 acer, a saif 384 medr (1260 troedfedd) uwch lefel y môr.
 | |
| Math | llyn  |
|---|---|
| Daearyddiaeth | |
| Gwlad |  Cymru |
| Cyfesurynnau | 53.0947°N 3.6474°W |
 | |
Yma mae tarddle Afon Alwen, sy'n llifo tua'r de-ddwyrain i groesi'r A543 cyn cyrraedd Cronfa Alwen. Roedd Llyn Alwen yn elfen bwysig wrth ddynodi Mynydd Hiraethog yn Safle o Ddiddordeb Gwyddonol Arbennig.
Dryswch Llyn Alwen/Cronfa Alwen
golyguAmbell dro defnyddir yr enw "Llyn Alwen", yn gamarweiniol, ar gyfer Cronfa Alwen, ond mae'r Llyn Alwen gwreiddiol yn gorwedd yr ochr arall i'r A543, tua milltir neu ddau yn uwch i fyny'r afon o ben eithaf Cronfa Alwen, yn y bryniau i'r de o bentref Gwytherin. Dyma'r Llyn Alwen gwreiddiol, tarddle Afon Alwen.
