Llyn Michigan
Un o'r Llynnoedd Mawr yng Ngogledd America yw Llyn Michigan (Saesneg: Lake Michigan). Mae'n un o lynnoedd mwyaf y byd, efallai y pedwerydd fwyaf o ran arwynebedd os ystyrir fod Môr Caspia yn fôr yn hyrach na llyn. Gellir ystyried fod Llyn Michigan a Llyn Huron yn un llyn yn hytrach na dau. Mae cysylltiad cul rhwng y ddau lyn yma, felly mae llawer yn eu hystyried yn un llyn. Credir fod yr enw yn dod o'r Ojibweg mishigami, yn golygu "dŵr mawr".
 | |
| Math | llyn  |
|---|---|
| Daearyddiaeth | |
| Rhan o'r canlynol | Lake Michigan–Huron, Y Llynnoedd Mawr |
| Sir | Michigan, Wisconsin, Illinois, Indiana |
| Gwlad | Unol Daleithiau America |
| Arwynebedd | 57,750 km² |
| Uwch y môr | 176 metr |
| Yn ffinio gyda | Upper Peninsula of Michigan, Lower Peninsula of Michigan |
| Cyfesurynnau | 44.007874°N 86.756451°W |
| Hyd | 494 cilometr |
 | |
Llyn Michigan yw'r unig un o'r Llynnoedd Mawr sy'n gyfangwbl o fewn yr Unol Daleithiau. O'r gorllewin i'r dwyrain, mae'n ffinio ar daleithiau Wisconsin, Illinois, Indiana a Michigan. Mae ei arwynebedd yn 58,016 km2, ac mae'n cynnwys 4,918 km³ o ddŵr. Ceir nifer o ddinasoedd ar ei lan; yr enwocaf yw Chicago.
