Llyn St. Clair (Gogledd America)
Mae Llyn St. Clair (Ffrangeg: Lac Sainte-Claire) yn llyn rhwng Ontario, Canada a Michigan, UDA, sydd wedi'i leoli tua 6 milltir (9.7 km) i'r gogledd-ddwyrain o Detroit a Windsor, Ontario. Gydag arwynebedd o tua 430 milltir sgwâr (1,100 km2), mae'r llyn yn rhan o system Y Llynnoedd Mawr; fodd bynnag, yn sgil ei faint cymharol fychan, anaml y caiff ei gynnwys fel un o'r Llynnoedd Mawr. Ar hyn o bryd, mae cynigion i'r llyn gael ei ystyried fel un o'r Llynnoedd Mawr ar y gweill, a fyddai'n ei gynnwys mewn gwaith ymchwil a phrosiectau eraill sy'n gysylltiedig â'r "Llynnoedd Mawr". Yn lleol, cyfeirir at Lyn St. Clair fel "y Chweched Llyn Mawr". Ynghyd ag Afon St. Clair ac Afon Detroit, cysyllta Llyn St. Clair Llyn Huron (i'r gogledd) gyda Llyn Erie (i'r de).
 | |
| Math | llyn  |
|---|---|
| Daearyddiaeth | |
| Sir | Chatham-Kent, Wayne County, Lakeshore, Tecumseh, Windsor, Macomb County, St. Clair County, Lambton County |
| Gwlad | Canada, Unol Daleithiau America |
| Arwynebedd | 1,114 km² |
| Uwch y môr | 175 metr |
| Cyfesurynnau | 42.450265°N 82.67572°W |
| Hyd | 42 cilometr |
 | |
Mae'r llyn yn 26 milltir (42 km) o'r gogledd i'r de ac yn 245 milltir (39 km) o'r dwyrain i'r gorllewin. Llyn bâs iawn ydyw, gyda dyfnder cyfartalog o tua 11 troedfedd (3.4m), gyda'r dyfnder naturiol mwyaf yn 21.3 troedfedd (6.5m). Serch hynny, mae'r llyn yn 27 troedfedd (8.2m) yn y sianel morlywio a grëwyd ar gyfer llongau cludo.
Dolenni allanol
golygu- Rhwydwaith Llyn St.Clair Yn rhwydweithio morwyr, pysgotwyr a phobl sy'n gwneud chwaraeon dŵr
- Adroddiadau Pysgota ar gyfer yr Ardal .
- Terry Pepper am oleudai Gorllewinol y Llynnoedd Mawr. Archifwyd 2008-01-30 yn y Peiriant Wayback
- Bathymedri Llyn Erie & Llyn St. Clair - NGDC
